- 2020-10-05 09:10:34
- ប្រដាល់
បើកឆាកប្រកួតដំបូង រិន ដេវីត បាន៣ពិន្ទុម្សិលមិញនៅ PNN
- 2020-10-05 09:10:34
- ចំនួនមតិ 0 | ចំនួនចែករំលែក 0
បើកឆាកប្រកួតដំបូង រិន ដេវីត បាន៣ពិន្ទុម្សិលមិញនៅ PNN
ចន្លោះមិនឃើញ
ជើងខ្លាំងវ័យក្មេង រិន ដេវីត និងកីឡាករមុខតាន់ អន់ អៀងឡៃ ទទួលបាន៣ពិន្ទុដូចគ្នាម្សិលមិញនេះ នាថ្ងៃបើកឆាកប្រកួតសន្សំពិន្ទុក្នុងពូលកម្មវិធីខ្សែក្រវាត់ទម្ងន់៥៤គីឡូក្រាមរបស់ PNN។
គូទី១ រវាង រិន ដេវីត និង សឺន ថៃសាន នេះគឺពិតជាជក់ចិត្តមែន ពោលវ៉ៃគ្នាមិនឲ្យសល់នាទីនោះទេខណៈមានការឌឺដងគ្នាខ្លាំងពីមួយទឹកទៅមួយ។ ដេវីត មានប្រៀបជាង សឺន ថៃសាន ត្រង់ខ្ពស់ វែងជាង ដូច្នេះធាក់ ទាត់ និងចាប់ចាក់ជង្គង់បានល្អទទួលបានផលច្រើន។ សម្រាប់គូនេះចៅក្រមសម្រេចឲ្យ ដេវីត ឈ្នះ ៥-០ ។
គូសន្សំពិន្ទុទី២ ធន់ អៀងឡៃ និង ឃួន ឡាំងកូស៊ីន ធ្វើដំណើរមិនចប់ទឹក៥ឡើយពោលអាជ្ញាកណ្ដាលបញ្ចប់នៅទឹកទី៣។ អ្នកលេងគុនខ្មែរទាំងពីរនាក់នេះក៏វ៉ៃសងគ្នាទៅវិញទៅមកបានល្អដែរ ដោយសារតែជង្គង់បោះរបស់ អេឡៃ ធ្ងន់ល្អ ពោះចូលពោះទឹករបស់ ឡាំងកូស៊ីន ធ្វើឲ្យចុក និងត្រូវអាជ្ញាកណ្ដាលរាប់ជាបន្តបន្ទាប់រហូតសម្រេចបញ្ចប់ការប្រកួតត្រឹមទឹក៣នេះទៅ។
រំលឹកដែរថា ការប្រកួតសន្សំពិន្ទុក្នុងពូល ក សប្ដាហ៍ទី១ ឆ្ពោះទៅដណ្ដើមខ្សែក្រវាត់ទម្ងន់៥៤គីឡូក្រាមរបស់សង្វៀន PNN កាលពីថ្ងៃអាទិត្យ ទី៤ ខែតុលា ឆ្នាំ២០២០ នេះ រិន ដេវីត ឈ្នះ សឺន ថៃសាន ដោយពិន្ទុ (៣ពិន្ទុ) ធន់ អេឡៃ ឈ្នះ ឃួន ឡាំងកូស៊ីន ទឹក៣ (៣ពិន្ទុ)៕