- 2020-09-25 02:34:41
- ប្រដាល់
មុនប៉ះគ្នាល្ងាចនេះ ប៊ុន សុធា សរសើរ ម៉ន សាម៉េត ជាកីឡាករវ៉ៃឆ្លាត
- 2020-09-25 02:34:41
- ចំនួនមតិ 0 | ចំនួនចែករំលែក 0
មុនប៉ះគ្នាល្ងាចនេះ ប៊ុន សុធា សរសើរ ម៉ន សាម៉េត ជាកីឡាករវ៉ៃឆ្លាត
ចន្លោះមិនឃើញ
អ្នកលេងគុនខ្មែរមកពីខេត្តកំពង់ចាម ប៊ុន សុធា សរសើរថា ម៉ន សាម៉េត ជាកីឡាករជើងចាស់ដែលវ៉ៃឆ្លាតមួយរូប ប៉ុន្តែសម្រាប់ជ័យជម្នះដណ្ដើមប្រាក់ ៨០ម៉ឺនរៀលល្ងាចនេះខ្លួននៅតែសង្ឃឹមឈ្នះជាថ្មីទៀត។
នេះបើតាមការឲ្យដឹងពី ប៊ុន សុធា ទៅកាន់ផេកប្រដាល់មួយថា កីឡាករចាស់វស្សា ម៉ន សាម៉េត ជាកីឡាករវ៉ៃឆ្លាត វ៉ៃយកពិន្ទុ ចេញចូលគឺឆ្លាតតែម្ដង។ ចំណែកស្នៀតកែងក៏ល្អផងដែរ ហ្នឹងធ្លាប់វ៉ៃខ្លួនឲ្យបែករហូត២កន្លែងឯណោះ។
កូនសិស្សលោក ធន់ សុភា ខាងលើនេះបន្តប្រាប់ទៀតថា សម្រាប់ការប្រកួតល្ងាចនេះ ឬជាការប៉ះគ្នាលើកទី២ ជាមួយ សាម៉េត ខ្លួននៅតែសង្ឃឹមខ្ពស់ថានឹងអាចទទួលបានជ័យជម្នះ។ ប៉ុន្តែអ្នកលេងគុនខ្មែររូបនេះថាជាក្ដីសង្ឃឹមនោះទេចាំមើលការប្រកួតជាក់ស្ដែងសិន។ សុធា ថាចំណុចល្អដែលមានប្រៀបជាង សាម៉េត នោះគឺកែង ទាត់ និងស្នៀតចាប់វ៉ៃជង្គង់។
រំលឹកដែរថា ប៊ុន សុធា ធ្លាប់ឈ្នះពិន្ទុកីឡាករ ម៉ន សាម៉េត ១ដងនៅឯសង្វៀន Town។ នៅល្ងាចនេះ ប៊ុន សុធា នឹងត្រូវប្រកួតដណ្ដើមប្រាក់ ៨០ម៉ឺនរៀល នៅលើសង្វៀនបាយ័ន ក្នុងកម្មវិធីគូបូតា ចាប់ពីម៉ោង ៧យប់តទៅ៕
