- 2020-09-14 04:15:31
- ប្រដាល់
ជួយគ្នាក្នុងគ្រាលំបាក៖ លោកគ្រូ ឈិន ក្វាន់ចៃ មានសប្បុរសជនជួយខ្លះៗហើយ
- 2020-09-14 04:15:31
- ចំនួនមតិ 0 | ចំនួនចែករំលែក 0
ជួយគ្នាក្នុងគ្រាលំបាក៖ លោកគ្រូ ឈិន ក្វាន់ចៃ មានសប្បុរសជនជួយខ្លះៗហើយ
ចន្លោះមិនឃើញ
បន្ទាប់ពីមានការផ្សព្វផ្សាយពីការឈឺធ្ងន់ និងចូលព្យាបាលនៅមន្ទីរពេទ្យដោយមិនសូវមានថវិការ លោក ឈិន ក្វាន់ចៃ ដែលជាគ្រូបង្វឹកកីឡាករ រឿង សោភ័ណ្ឌ នាពេលថ្មីៗនេះនៅលើបណ្ដាញសង្គមហ្វេបុកផ្សេងៗឥលូវនេះមានសប្បុរសជនបានជួយជាថវិកាខ្លះៗហើយ។
នេះបើតាមការបង្ហោះលើផេកផ្លូវការរបស់សហភាពកីឡានគរបាលជាតិ នៃសមាគមកីឡាប្រដាល់ក្រសួងមហាផ្ទៃ បានផ្ដល់ថវិកាចំនួន ១ ១១០ ០០០រៀល ដែលបានមកពីការថ្នាក់ដឹកនាំ សមាជិកនានាជូនទៅលោក ឈិន ក្វាន់ចៃ កាលពីថ្ងៃទី១៣ ខែកញ្ញា ២០២០ ម្សិលមិញនេះ។ បន្ថែមពីនេះឯកឧត្ដម ជា ប៊ុនហេង ប្រធានអង្គភាពកីឡាក្រសួងមហាផ្ទៃក៏បានជួយដល់លោក ឈិន ក្វាន់ចៃ ចំនួន ៤០ម៉ឺនរៀលផងដែរ។
រំលឹកដែរថា លោក ឈិន ក្វាន់ចៃ ជាគ្រូបង្វឹករបស់កីឡាករ រឿង សោភ័ណ្ឌ នៃក្លឹបប្រដាល់ម្ដុដរាជសីហ។ លោក ឈិន ក្វាន់ចៃ រយៈពេល ២-៣ ថ្ងៃនេះមានជំងឺធ្ងន់ធ្ងរត្រូវសម្រាកនៅពេទ្យខ្មែរសូវៀតហើយឥលូវនេះកំពុងមានការខ្វះខាតថវិកាក្នុងការព្យាបាលផងដែរ។ ដូច្នេះបើប្រិយមិត្តអ្នកគាំទ្រគុនខ្មែរចង់ជួយឧបត្ថម្ភអាចទំនាក់ទំនងទៅកីឡាករ រឿង សោភ័ណ្ឌ តាមហ្វេសបុក Sophorn Roeung ឬទំនាក់ទំនងទៅលោក គង់ ចាន់ធីណា 012 715 415 ម្ចាស់ក្លឹបម្ដុដរាជសីហផ្ទាល់ ៕
