- 2020-09-10 04:44:37
- ប្រដាល់
ជី ឆៃលី៖ ពេលខ្ញុំចាញ់សន្លប់ ប្រពន្ធគិតពីយំហើយនិយាយថាបើការងារផ្សេងឈប់ទៅ
- 2020-09-10 04:44:37
- ចំនួនមតិ 0 | ចំនួនចែករំលែក 0
ជី ឆៃលី៖ ពេលខ្ញុំចាញ់សន្លប់ ប្រពន្ធគិតពីយំហើយនិយាយថាបើការងារផ្សេងឈប់ទៅ
ចន្លោះមិនឃើញ
កីឡាករ ជី ឆៃលី ថាពេលខ្លួនចាញ់គេសន្លប់ ប្រពន្ធគិតតែពីយំអាណិត ហើយឲ្យខ្លួនគិតឡើងវិញបើមានការងារណាសមគួរអាចធ្វើបានទៅធ្វើទៅព្រោះមិនចង់ពិបាកភ្នែក និងអាណិតខ្លាំងណាស់។
អ្នកលេងគុនខ្មែរ ជី ឆៃលី បានរំលឹកពីភាពជូរចត់របស់ខ្លួនថា ពេលមួយដែលខ្លួនចាញ់គេសន្លប់គឺប្រពន្ធមានការពិបាកចិត្ត និងយំជាខ្លាំងព្រោះអាណិតប្ដី និងបានសុំឲ្យខ្លួនឈប់ពីប្រដាល់ងាករកមើលការងារណាមានប្រាក់ខែសមរម្យមួយ។ មួយវិញទៀតបើចង់ឡើងប្រកួតតទៅទៀតត្រូវហ្វឹកហាត់ឲ្យបានជាប់លាប់ល្អសិនទើបអនុញ្ញាត។
សិស្សគុនមកពីសមាគមក្រសួងការពារជាតិខាងលើនេះបន្តប្រាប់ទៀតថា ចាញ់នៅពេលនោះក៏ព្រោះតែខ្លួនសប្បាយភ្លើតភ្លើនមួយពេល មិនបានហ្វឹកហាត់រួចហើយឡើងប្រកួតទើបទទួលបានលទ្ធផលបែបនេះ។ បន្ទាប់ពីពេលនោះមកមានការពន្យល់ណែនាំពីលោកគ្រូ ធន់ សុភា មិត្តរួមក្លឹបផងនោះ ឆៃលី ប្ដេជ្ញាចិត្តខំប្រឹងប្រែងហ្វឹកហាត់ឲ្យល្អ មិនដើរផ្លូវខុស និងសន្សំលុយដើម្បីជួយប្រពន្ធ ឬបើកហាងអ៊ុតសក់សមរម្យមួយឲ្យប្រពន្ធ។ ប្រពន្ធរបស់ ឆៃលី ក៏នៅតែអនុញ្ញាតឲ្យបន្តអាជីពនេះបន្តទៀតប៉ុន្តែត្រូវតែហ្វឹកហាត់ឲ្យល្អគ្រប់គ្រាន់ចាំឡើងប្រកួត។
រំលឹកដែរថា ជី ឆៃលី ជាអ្នកសិស្សគុននៃសមាគមកីឡាក្រសួងការពារជាតិ។ ជាកូនសិស្សលោក តឹក ឡៃ និងលោក ធន់ សុភា។ កីឡាកររូបនេះលេងលើប្រភេទទម្ងន់ ៥៤-៥៧គីឡូក្រាមបច្ចុប្បន្ននេះ៕
