- 2020-08-31 02:58:23
- ប្រដាល់
ឃីម បូរ៉ា សរសើរ ឡុង ជិន ថាល្អប៉ុន្តែប្រាក់លានខ្លួនយកហើយ
- 2020-08-31 02:58:23
- ចំនួនមតិ 0 | ចំនួនចែករំលែក 0
ឃីម បូរ៉ា សរសើរ ឡុង ជិន ថាល្អប៉ុន្តែប្រាក់លានខ្លួនយកហើយ
ចន្លោះមិនឃើញ
អ្នកលេងគុនខ្មែរមកពីជាយដែន ឃីម បូរ៉ា ថាមិនងាយស្រួលយកឈ្នះ ឡុង ជិន នោះទេគេជាកីឡាកគឺល្អមួយរូប ជាពិសេសស្នៀតអោបចង្កេះវ៉ៃជង្គង់យកពិន្ទុ។
ឃីម បូរ៉ា បានឲ្យដឹងថា សម្រាប់ការប៉ះគ្នាលើកទី១ ជាមួយ ឡុង ជិន កាលពីថ្ងៃសៅរ៍ដណ្ដើមប្រាក់លាននេះគឺមានការពិបាកខ្លាំងហើយវាដូចទៅហ្នឹងការគិតមុនចាប់ផ្ដើមការប្រកួតតែម្ដង។ ចំណុចល្អរបស់ ឡុង ជិន នោះគឺធាក់ធ្ងន់ ពូកែអោបចង្កេះវ៉ៃយកពិន្ទុ ធ្វើឲ្យខ្លួនពិបាកកាច់វ៉ៃតបតវិញ។
ប្អូនប្រុស ឃីម ឌីម៉ា ខាងលើនេះបន្តប្រាប់ទៀតថា ឡុង ជិន ចេះញាក់វ៉ៃល្អ ប៉ុន្តែផ្លែនៅស្រាលដូចជាកណ្ដាប់ដៃ និងទាត់ជាដើម។ យ៉ាងណា បូរ៉ា ក៏បានផ្លាស់ប្ដូរស្នៀតវ៉ៃចាប់ពីទឹកទី២ដែរគឺវ៉ៃម៉ាត់ បន្ទាប់មកបោះជង្គង់ បើបណ្ដោយដូចធម្មតាអាចចាញ់ពិន្ទុព្រោះ ឡុង ជិន ព្រោះគេវ៉ៃចេញយកពិន្ទុច្រើន។ បូរ៉ា ថាស្វាគមន៍ចំពោះការដាក់ឲ្យសងសឹកជាថ្មីទៀតពេលណាក៏បាន។
រំលឹកដែរថា ឃីម បូរ៉ា បានយកឈ្នះពិន្ទុលើកីឡាករ ឡុង ជិន ដណ្ដើមបានប្រាក់១លានរៀលបន្ថែមពីលើតម្លៃខ្លួននៅសង្វៀន CNC កាលពីថ្ងៃសៅរ៍ ទី២៩ ខែសីហា ឆ្នាំ២០២០៕
