- 2020-08-11 00:00:00
- ប្រដាល់
សូដា ចាន់បូរិន ! ឌឺតាំងពីគុនគ្រូដំបូង វ៉ៃសុទ្ធតែក្បាច់ពិសេសចុងក្រោយបានត្រឹមស្មើ
- 2020-08-11 00:00:00
- ចំនួនមតិ 0 | ចំនួនចែករំលែក 0
សូដា ចាន់បូរិន ! ឌឺតាំងពីគុនគ្រូដំបូង វ៉ៃសុទ្ធតែក្បាច់ពិសេសចុងក្រោយបានត្រឹមស្មើ
ចន្លោះមិនឃើញ
ថ្នាលគុនខ្មែរ សូដា ចាន់បូរិន បង្ហាញក្បាច់គុនគ្រូឌឺដងតាំងពីដំបូង និងវ៉ៃសុទ្ធតែក្បាច់ពិសេសៗនៅថ្ងៃបើកឆាកដំបូងសង្វៀន «កុមារគុនខ្មែរ» របស់លោក ហ៊ុន ច័ន្ទរាជ្យ កាលពីថ្ងៃសៅរ៍ ទី៨ ខែសីហា ឆ្នាំ២០២០ ធ្វើឲ្យមានការគាំទ្រជាខ្លាំង។
គូទី១ បើកឆាកការប្រកួតដំបូងសង្វៀន «កុមារគុនខ្មែរ» កាលពីថ្ងៃសៅរ៍កន្លងទៅនេះគឺពិតជាធ្វើឲ្យអ្នកទស្សនាមានការចាប់អារម្មណ៍ និងសប្បាយរីករាយជាខ្លាំងចំពោះ សុវណ្ណ រតនា បង្គោលក្រហម និង សូដា ចាន់បូរិន បង្គោលខៀវ។
សូដា ចាន់បូរិន សិស្សគុនមកពីក្លឹប សុវណ្ណកុមារគុនខ្មែរ រូបនេះគឺពិតជាធ្វើឲ្យគេចាប់អារម្មណ៍ខ្លាំងមែនតាមរយៈការគុនគ្រូជារបៀប ព្រហ្មមុខបួន ជាដើម។ បន្ថែមពីនេះទៀតកីឡាករថ្នាលទម្ងន់ ២៣គីឡូក្រាម រូបនេះប្រើក្បាច់ពិសេសច្រើនដូចជា លោតគប់កែង លោតទាត់ និងរត់បុកកែងផងដែរ។
កីឡាករថ្នាល សូដា ចាន់បូរិន បានត្រឹមស្មើពិន្ទុជាមួយ សុវណ្ណ រតនា ប៉ុណ្ណោះកាលពីថ្ងៃសៅរ៍សប្ដាហ៍មុននេះ។ កុមារាទាំងពីរនេះប្រកួតក្នុងប្រភេទទម្ងន់ ២៣គីឡូក្រាម។ សម្រាប់ការប្រកួតកម្មវិធីប្រដាល់ «កុមារគុនខ្មែរ» របស់លោក ហ៊ុន ច័ន្ទរាជ្យ នេះធ្វើឡើងរៀងរាល់២សប្ដាហ៍ម្ដង នៅថ្ងៃសៅរ៍ ចាប់ពីម៉ោង១១ព្រឹកតទៅ៕
វីដេអូប្រកួត៖
