/5f2bdcea10e60_1596710100_medium.jpg)
- 2020-08-06 10:46:07
- ប្រដាល់
ជី ឆៃលី បើមានឱកាសចង់សាកក្បាច់គុនជាមួយ ពេជ្រ ប៊ុនសិទ្ធ ជាថ្មីទៀត
- 2020-08-06 10:46:07
- ចំនួនមតិ 0 | ចំនួនចែករំលែក 0
ជី ឆៃលី បើមានឱកាសចង់សាកក្បាច់គុនជាមួយ ពេជ្រ ប៊ុនសិទ្ធ ជាថ្មីទៀត
ចន្លោះមិនឃើញ
កីឡាករ ជី ឆៃលី ថាបើមានឱកាសចង់ប្រកួតសាកក្បាច់គុនជាមួយជើងខ្លាំង ពេជ្រ ប៊ុនសិទ្ធ ជាថ្មីទៀតព្រោះធ្លាប់ចាញ់ដោយសារកណ្ដាប់ដៃ ហើយជាកីឡាករកំពុងឡើងកូដខ្លាំងមែនទែន។
ជី ឆៃលី យល់ថាទម្ងន់ ៥៧គីឡូក្រាមនៅពេលនេះគឺ ពេជ្រ ប៊ុនសិទ្ធ ល្អជាងគេ ហើយចំណុចពិសេសរបស់អ្នកប្រដាល់រូបនេះគឺវ៉ៃបុកខ្លាំង កណ្ដាប់ដៃធ្ងន់ និងក្បាច់កែងក៏គ្រោះថ្នាក់ផងដែរ។ ពីមុនមកខ្លួនធ្លាប់ចាញ់ឈ្នះជាមួយ ប៊ុនសិទ្ធ ២ដងម្នាក់។
សិស្សគុនមកពីសមាគមកីឡាក្រសួងការពារជាតិខាងលើនេះបន្តប្រាប់ទៀតថា នៅពេលខាងមុខខ្លួននឹងសុំគ្រូដាក់ឲ្យជួបជាមួយ ពេជ្រ ប៊ុនសិទ្ធ ជាថ្មីទៀត ដោយសារតែចង់សាកក្បាច់គុនគ្នា។ មួយវិញទៀត ឆៃលី គិតថាខ្លួនជាកីឡាករល្អកណ្ដាប់ដៃមួយរូបដែរ ហើយប្រសិនបើការជួបជាថ្មីនោះនៅតែចាញ់ គឺមានន័យថា ប៊ុនសិទ្ធ នៅតែល្អ នៅតែខ្លាំងក្លា ប៉ុន្តែបើអាចឈ្នះវិញមានន័យថាខ្លួនមានសមត្ថភាពរីកចម្រើនជាងមុន។
រំលឹកដែរថា ជី ឆៃលី ជាអ្នកប្រដាល់មកពី សមាគមកីឡាក្រសួងការពារជាតិ និងជាកូនសិស្សលោក ធន់ សុភា។ កីឡាកររូបនេះធ្លាប់ឈ្នះ ពេជ្រ ប៊ុនសិទ្ធ ២ដង និងចាញ់វិញ២ដងផងដែរក្នុងនោះមានទាំងសន្លប់ទៀតផង៕
