- 2020-08-04 07:40:00
- ប្រដាល់
មានអ្នកកណ្ដាប់ដៃធ្ងន់ជាងនេះ ឬអត់បច្ចុប្បន្ននេះក្នុងវិស័យគុនខ្មែរ?
- 2020-08-04 07:40:00
- ចំនួនមតិ 0 | ចំនួនចែករំលែក 0
មានអ្នកកណ្ដាប់ដៃធ្ងន់ជាងនេះ ឬអត់បច្ចុប្បន្ននេះក្នុងវិស័យគុនខ្មែរ?
ចន្លោះមិនឃើញ
កីឡាករគុនខ្មែរ៣រូបដែលគេស្គាល់ និងដឹងថាជាអ្នកប្រដាល់ល្អកណ្ដាប់ដៃ ឬដៃធ្ងន់ហើយភាគច្រើនផ្ដួលដៃគូឲ្យបោះបង់ការប្រកួតដោយស្នៀតគ្រោះថ្នាក់មួយនេះនាពេលកន្លងទៅ។
ទី១ កីឡាករ រឿង សោភ័ណ្ឌ៖ អ្នកលេងគុនខ្មែររូបនេះគឺល្បីខ្លាំងស្នៀតកណ្ដាប់ដៃនេះតែម្ដង បើទោះជាខ្លួនកម្ពស់ទាប និងដៃខ្លីនោះទេប៉ុន្តែកុំឲ្យចូលកណ្ដាប់របស់ សោភ័ណ្ឌ ឲ្យសោះដឹងតែសន្លប់ ឬត្រូវអាជ្ញាកណ្ដាលរាប់ហើយ។ កូនសិស្សលោក ឈិន ក្វាន់ចៃ រូបនេះមានកណ្ដាប់ដៃធ្ងន់ និងរហ័ស បើដឹងថាដៃគូត្រូវមួដៃបាត់បង់ស្មារតីបន្តិចហើយ គឺរូបគេចេញដៃជាបន្តបន្ទាប់រហូតផ្ដាច់បានតែម្ដង។
ទី២ កីឡាករ ថៃ រិទ្ធី៖ អ្នកប្រដាល់ដើមកំណើត MMA និងគុនខ្មែររូបនេះក៏មានកណ្ដាប់ដៃធ្ងន់ និងរហ័សមិនចាញ់ទៅហ្នឹង រឿង សោភ័ណ្ឌ ផងដែរ។ មានកីឡាករច្រើនរូបដែលត្រូវសន្លប់ក្រោមថ្វីដៃដ៏ធ្ងន់ និងគ្រោះថ្នាក់មួយនេះ។ កណ្ដាប់ដៃរបស់ រិទ្ធី លឿនសឹងតែមើលមិនទាន់ បើចូលពេញដៃរបស់គេហើយដឹងតែសន្លប់បោះបង់ការប្រកួតតែម្ដង។ ដូចកាលពីថ្ងៃសៅរ៍កន្លងទៅកូនសិស្សលោក ធន់ សុភា ម្នាក់នេះប្រើកណ្ដាប់ដៃរបស់គេផ្ដួលកីឡាករ ឡុង វ៉ៃ ឲ្យសន្លប់ធំចុងទឹកទី២ នៅបាយ័ន។
ទី៣ កីឡាករ លី រិទ្ធី៖ អ្នកប្រដាល់មាឌធំ ទម្ងន់ធ្ងន់ ស្រករក្រោយរូបនេះក៏បង្ហាញកណ្ដាប់ដៃធ្ងន់ល្អផងដែរនាពេលកន្លងទៅ។ សិស្សគុនមកពីក្លឹប Mr Ly រូបនេះជាកីឡាករដើមកំណើតមកពីគុនល្បុក្កតោ និងបានវិវត្តន៍ខ្លួនជាអ្នកលេងគុនខ្មែរបន្ថែមទៀត។ ចង្វាក់វ៉ៃរបស់ លី រិទ្ធី នៅយឺតជាងកីឡាករ២រូបខាងលើនោះទេ ប៉ុន្តែការចេញមួយៗរបស់គេគឺធ្ងន់។ មានកីឡាករក្នុងស្រុកមួយចំនួនដែរដែលធ្លាប់សន្លប់ក្រោមកណ្ដាប់ដៃរបស់គេ។ សូម្បី ឡុង សុភី និង ឡៅ ចន្ទ្រា ក៏ធ្លាប់សរសើរថា រិទ្ធី មានផ្លែធ្ងន់ផងដែរ។
