- 2020-07-29 10:56:49
- បាល់ទាត់
Benzema សារភាពត្រង់ៗថា គិតពីរឿងឈ្នះ Ballon d'Or គ្រប់ពេល
- 2020-07-29 10:56:49
- ចំនួនមតិ 0 | ចំនួនចែករំលែក 0
Benzema សារភាពត្រង់ៗថា គិតពីរឿងឈ្នះ Ballon d'Or គ្រប់ពេល
ចន្លោះមិនឃើញ
ខ្សែប្រយុទ្ធបារាំង Karim Benzema បាននិយាយក្នុងប៉ុស្តិ៍បណ្ដាញ Youtube របស់ខ្លួនកាលពីពេលថ្មីៗនេះថា គេបានគិតចង់ឈ្នះពាន Ballon d'Or គ្រប់ពេល។
កីឡាកររូបនេះបានលើកឡើងថា៖ " ប្រាកដណាស់! ខ្ញុំចង់ឈ្នះពាន Ballon d'Or គ្រប់តែពេល តែវាមិនមែនធ្វើឲ្យខ្ញុំងប់នឹងពានហ្នឹងទេ។ ខ្ញុំគិតពីរឿងឈ្នះហ្នឹង ដោយសារតែខ្ញុំជាកីឡាករអាជីព ហើយចង់បានការប្រកួតប្រជែង " ។
Benzema បានបន្តថា៖ " ខ្ញុំមិនដែលគិតខ្លួនឯងជាបេក្ខភាពនាំមុខសម្រាប់ពាននេះ ដោយសារតែតួនាទីខ្សែប្រយុទ្ធពាក់អាវលេខ ៩ លេខ ១០ ឬ លេខ ១១នោះទេ តែខ្ញុំជាកីឡាករបាល់ទាត់ ហើយខ្ញុំព្យាយាមក្លាយជាកីឡាករល្អជាងគេលើលោក " ។
ខ្សែប្រយុទ្ធបារាំងរូបនេះបានបង្ហាញទម្រង់លេងយ៉ាងល្អក្នុងរដូវកាលនេះ។ Benzema ជាអ្នករកគ្រាប់បាល់ច្រើនជាងគេនៅក្លឹប Real Madrid ក្នុងរយៈពេលប៉ុន្មានឆ្នាំចុងក្រោយនេះ ហើយក្នុងរដូវកាលនេះដែរ គេបានជួយឲ្យ Real លើកពាន La liga ទី៣៤។ ជាអកុសលពាន Ballon d'Or ត្រូវបានរំសាយមួយឆ្នាំ ដោយសារតែខ្លាចមានភាពមិនប្រក្រតីក្នុងការវិនិច្ឆ័យលើទម្រង់លេង ខណៈបាល់ទាត់អាជីពត្រូវបានផ្អាកជាង ៣ខែ ព្រោះតែរឿងកូវីដ-១៩៕