- 2020-07-23 02:07:49
- បាល់ទាត់
Solskjaer ថា Man Utd ច្បាស់ណាស់នឹងបានកៅអី UCL
- 2020-07-23 02:07:49
- ចំនួនមតិ 0 | ចំនួនចែករំលែក 0
Solskjaer ថា Man Utd ច្បាស់ណាស់នឹងបានកៅអី UCL
ចន្លោះមិនឃើញ
ក្រុមបិសាចក្រហម Manchester United បានហក់ឡើងដល់ចំណាត់ថ្នាក់លេខ៣ក្នុងតារាង Premier League ហើយ ក្រោយពួកគេលេងស្មើក្រុម West Ham ក្នុងលទ្ធផល ១-១ ក្នុងសប្ដាហ៍ទី៣៧។
ក្រុម West Ham បានបាល់ប៉េណាល់ទី១គ្រាប់ នៅនាទី៤៥+២ ធ្វើការនាំមុខលើបិសាចក្រហមបានមុន។ ដោយឡែកចូលដល់តង់ទី២ ម្ចាស់ផ្ទះ Man Utd ក៏ចាប់ផ្ដើមវាយសម្រុកវិញ រហូតនាទី៥១ Greenwood រកបាន១គ្រាប់តាមស្មើបាន ហើយក៏ជាគ្រាប់បាល់ចុងក្រោយក្នុងការប្រកួតនេះដែរ។ លទ្ធផលបាន១ពិន្ទុនេះ ធ្វើឱ្យក្រុមបិសាចក្រហម ឡើងដល់លេខ៣ទៅហើយ ព្រោះ Chelsea លេងចាញ់ Liverpool ៥-៣ នៅយប់មិញនេះដែរ។
ចំណាត់ថ្នាក់នេះ នៅមិនទាន់ច្បាស់លាស់ឡើយ ព្រោះការប្រកួតចុងក្រោយនៅថ្ងៃអាទិត្យនេះ ជាសម្រេចថានរណាជាប់ Top4 ខ្លះ។ Man Utd លេខ៣ និង Chelsea លេខ៤ មាន៦៣ពិន្ទុស្មើគ្នា ស្របពេលដែល Leicester City វិញ មាន៦២ពិន្ទុនៅលេខ៥។ ប្រកួតចុងក្រោយ Man Utd ប៉ះ Leicester City និង Chelsea ប៉ះ Wolves ។
លោកSolskjaer បង្ហើបថា Man Utd បានបង្កើតឱកាសយ៉ាងល្អសម្រាប់ខ្លួនឯងក្នុងការឈានចូល Top4 នេះ។ លោកមានទំនុកចិត្តថាប្រកួតចុងក្រោយ បិសាចក្រហមមិនភ្លាត់ឡើយ ហើយអាចរក្សាកៅអីលេង UEFA Champions League បាននៅរដូវកាលក្រោយ៕