- 2020-06-29 03:12:43
- ប្រដាល់
២៧នាទីរបស់ ថៃ រិទ្ធី នៅ Mas Fight បានលុយជាង ២០០០ដុល្លារ
- 2020-06-29 03:12:43
- ចំនួនមតិ 0 | ចំនួនចែករំលែក 0
២៧នាទីរបស់ ថៃ រិទ្ធី នៅ Mas Fight បានលុយជាង ២០០០ដុល្លារ
ចន្លោះមិនឃើញ
កីឡាករល្អកណ្ដាប់ដៃ ថៃ រិទ្ធី បើគិតទៅឈ្នះ៣ប្រកួតមកហើយនៅក្នុងកម្មវិធីប្រដាល់បែបអន្តរជាតិ Mas Fight នៅសង្វៀន TOWN សរុបប្រាក់រង្វាន់ដែលទទួលបាននោះប្រហែលជាង ២០០០ដុល្លារផងដែរ។
កូនសិស្សលោក ធន់ សុភា ខាងលើនេះបានឲ្យដឹងថា ខ្លួនបានបង្ហាញមុខក្នុងកម្មវិធី Mas Fight ចំនួន៣ដងរួចមកហើយ ពោលឈ្នះការប្រកួតទាំង៣លើក។ ក្នុងនោះដែរគឺការឈ្នះលើកទី១ បានថវិកាច្រើនជាងគេគិតទៅជាង១០០០ដុល្លារ។ ចំណែកការប្រកួតលើកទី២ និងលើកទី៣ ឈ្នះម្សិលមិញនេះបានចន្លោះ ៥០០-៦០០ដុល្លារទៀតដូច្នេះសរុបទៅ៣ប្រកួតនេះបានថវិកាជាង២០០០ដុល្លារដែរ។
ថៃ រិទ្ធី បន្តប្រាប់ទៀតថា រូបគេពិតជាមានចិត្តសប្បាយរីករាយជាខ្លាំងចំពោះការបង្ហាញមុខនៅលើសង្វៀន Mas Fight ជាពិសេសលទ្ធផលដ៏ល្អរបស់ខ្លួនក្នុង៣ប្រកួតនេះ។ ទន្ទឹងនិងនេះអ្នកប្រដាល់ល្អ កណ្ដាប់ដៃរូបនេះថាខ្លួនពិតជាខំប្រឹងខ្លាំងក្នុងការហ្វឹកហាត់ត្រៀមការនៅសង្វៀន TOWN នេះណាស់។
បញ្ជាក់ផងដែរថា កម្មវិធីប្រដាល់ Mas Fight របស់អន្តរជាតិមួយនេះគឺប្រកួតតែ១ទឹកប៉ុណ្ណោះ ដោយប្រើរយៈពេល៩នាទី ហើយប្រសិនបើគ្មានអ្នកសន្លប់នោះទេគឺកីឡាករទាំង២រូបបានត្រឹមស្មើគ្នាប៉ុណ្ណោះ។ ចំពោះប្រាក់រង្វាន់ប្រែប្រួលទៅតាមប្រកួតគូ Mas Fight ជាក់ស្ដែង។ ម្សិលមិញនេះ ថៃ រិទ្ធី បានផ្ដួលសិស្សច្បង នន់ ជំនិត ឲ្យសន្លប់មុនចប់៩នាទីផងដែរ៕
