- 2020-06-09 03:56:08
- ប្រដាល់
សុខហ៊ុច៖ ខ្ញុំឈ្នះ ផល សោភ័ណ្ឌ នៅទឹកទាំងនេះបើចង់ប៉ះគ្នាទៀតស្វាគមន៍ជានិច្ច
- 2020-06-09 03:56:08
- ចំនួនមតិ 0 | ចំនួនចែករំលែក 0
សុខហ៊ុច៖ ខ្ញុំឈ្នះ ផល សោភ័ណ្ឌ នៅទឹកទាំងនេះបើចង់ប៉ះគ្នាទៀតស្វាគមន៍ជានិច្ច
ចន្លោះមិនឃើញ
ជើងខ្លាំងស៊ីរៀបទម្ងន់ ៦៣,៥ គីឡូក្រាម មឿន សុខហ៊ុច ថាខ្លួនពិតជាសមឈ្នះហើយ បើគិតទៅខ្លួនឈ្នះទឹក២-៣-៤ លើ ផល សោភ័ណ្ឌ ហើយថែមទាំងឈ្នះរឹងទៀតផងកាលពីដណ្ដើមប្រាក់លានថ្ងៃអាទិត្យកន្លងទៅនេះ។
មឿន សុខហ៊ច បានឲ្យដឹងថា សម្រាប់ការប្រកួតដណ្ដើមប្រាក់លាននៅ CNC ជាមួយ ផល សោភ័ណ្ឌ គឺមានការលំបាកព្រោះដៃគូជាកីឡាករល្អមួយរូប ដូច្នេះហើយពិបាកទម្រាំអាចយកឈ្នះបាន។
ចំពោះលទ្ធផលចៅក្រមដាក់ឲ្យ ៣-២ នេះ សុខហ៊ុច គឺយល់ស្របដោយសារតែខ្លួនឃើញថាឈ្នះ៣ទឹក គឺនៅទឹក២-៣ និងទឹក៤ ចំណែកទឹក១ និងទឹក៥ យល់ថាចាញ់ សោភ័ណ្ឌ។ មួយវិញទៀតជើងខ្លាំងប្រចាំទម្ងន់ ៦៣,៥ គីឡូក្រាមរូបនេះយល់ថាខ្លួនឈ្នះរឹងព្រោះ សោភ័ណ្ឌ ដួលច្រើនកាលពីពេលនោះ និងវ៉ៃបានពេញៗជាងទៀត។
កូនសិស្សលោក ណន រិទ្ធ ខាងលើនេះបន្ថែមទៀតថា ប្រសិនមិនអស់ចិត្តបើមានការរៀបចំឲ្យដណ្ដើមប្រាក់លាន ឬប៉ះគ្នានៅពេលក្រោយណាមួយទៀតនោះគឺ សុខហ៊ុច នៅតែស្វាគមន៍ ផល សោភ័ណ្ឌជានិច្ច។
រំលឹកដែរថា កីឡាករ មឿន សុខហ៊ុច ដណ្ដើមបានប្រាក់២លានរៀលបូកពីលើតម្លៃខ្លួនបន្ទាប់ពីយកឈ្នះជើងខ្លាំង ផល សោភ័ណ្ឌ កាលពីថ្ងៃអាទិត្យ ទី៧ ខែមិថុនា ឆ្នាំ២០២០ នៅឯសង្វៀន CNC ៕
