- 2020-05-20 10:35:10
- ប្រដាល់
អ្នកក្បាច់ប៉ះអ្នកក្បាច់ ពេជ្រ ប៊ុនសិទ្ធ ប៉ះ ឬទ្ធិ សាស្រ្តាវុធ ម៉ោង១២ ថ្ងៃអាទិត្យនៅបាយ័ន
- 2020-05-20 10:35:10
- ចំនួនមតិ 0 | ចំនួនចែករំលែក 0
អ្នកក្បាច់ប៉ះអ្នកក្បាច់ ពេជ្រ ប៊ុនសិទ្ធ ប៉ះ ឬទ្ធិ សាស្រ្តាវុធ ម៉ោង១២ ថ្ងៃអាទិត្យនៅបាយ័ន
ចន្លោះមិនឃើញ
ជើងខ្លាំងវ័យក្មេង២រូបកំពុងល្បីតាមសង្វៀននានា និងជាកីឡាករមានផ្លែល្អ ពេជ្រ ប៊ុនសិទ្ធ ប៉ះ ឬទ្ធិ សាស្រ្តាវុធ ហើយនាម៉ោង១២ ថ្ងៃអាទិត្យ ទី២៤ ខែឧសភា ឆ្នាំ ២០២០ នៅលើសង្វៀនបាយ័ន។
កូនសិស្សលោក ពេជ្រ សុផាន គឺ ពេជ្រ ប៊ុនសិទ្ធ ម្នាក់នេះកំពុងសាងកេរ្តិ៍ឈ្មោះល្បីមែនទែនមួយរយៈពេលនេះ ជាពិសេសការផ្ដួលដៃគូ ឬការប្រកួតដោយអស់ពីសមត្ថភាពតែម្ដង។ ប៊ុនសិទ្ធ មានទម្រង់វ៉ៃល្អ ការចេញកណ្ដាប់ដៃគឺរហ័ស និងមានទម្ងន់ មួយវិញទៀតនោះស្នៀតកែងរួសរបស់គេក៏មិនធម្មតាដែរ។ ការចេញស្នៀតមួយៗរបស់កីឡាកររូបនេះច្បាស់ៗនិងធ្ងន់ បើទាត់គឺទាត់ឲ្យខូច បើម៉ាត់គឺម៉ាត់ឲ្យសន្លប់ មិនចេះតែចេញរញ៉េរញ៉ៃឡើយ។
ចំណែកជើងខ្លាំងមកពីសៀមរាប ឬទ្ធិ សាស្រ្តាវុធ ក៏ជាកីឡាករល្អ និងប្រើប្រាជ្ញាម្នាក់ដែរការវ៉ៃចេញក៏រហ័សហើយច្បាស់ ពោលទាត់ជើងក្រោម ឬម៉ាត់គឺចំគោលដៅល្អ។ ចំណុចពិសេសរបស់ សាស្រ្តាវុធ មួយទៀតនោះគឺភ្នែករហ័សដូច្នេះការគេចរបស់គេក៏លឿនហើយបានល្អតាមនិងដែរ។ យ៉ាងណាអ្នកទាំងពីរខាងលើនេះសុទ្ធតែជើងថ្មីដូចគ្នាកម្រិតវិជ្ជាគុនប្រហាក់ប្រហែលគ្នា ដូច្នេះការប្រកួតនេះច្បាស់ជាល្អមើល និងជក់ចិត្ត។ កុំភ្លេចទស្សនាទាំងអស់គ្នានៅថ្ងៃអាទិត្យចាប់ពីម៉ោង១២ថ្ងៃត្រង់តទៅ លើប៉ុស្តិ៍ទូរទស្សន៍បាយ័ន៕
