• 2020-05-19 03:05:47
  • ប្រដាល់

សោម​ វិឆ័យ​ ការ​ឈ្នះ​ ពុយ​ វណ្ណៈ​ អាច​ជា​ការ​បើក​ផ្លូវ​ឈានមួយកម្រិត​ទៀត​

  • 2020-05-19 03:05:47
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នក​លេង​គុន​ខ្មែរ​ សោម​ វិឆ័យ​ ថា​ការ​យក​ឈ្នះ​ ពុយ​ វណ្ណៈ​ កន្លង​ទៅ​ថ្មីៗ​នេះ​អាច​ជា​ការ​បើក​ផ្លូវ​មួយ​កម្រិត​ទៀត​សម្រាប់​ខ្លួន​ឈាន​ដល់​ការ​វ៉ៃ​គូ​បរទេស​ញឹកញាប់​ដូច​កីឡាករ​ខ្មែរ​ផ្សេងៗ​ផងដែរ។​

វិឆ័យ ពេល​ឈ្នះ ពុយ វណ្ណៈ

សោម​ វិឆ័យ​ បាន​ឲ្យ​ដឹង​ថា​ចូល​ប្រឡូក​ក្នុង​វិស័យ​គុន​ខ្មែរ​នេះ​គឺ​ទើប​តែ​ប្រកួត​ជា​មួយ​បរទេស​បាន​តែ​៣ប្រកួត​នោះ​ទេ​ ចៃដន្យ​ទៅ​មាន​ឈ្មោះ​ត្រូវ​ប្រកួត​២ដង​បន្ថែម​ទៀត​ដែរ​តែ​ត្រូវ​លុប​ចោល​វិញ​ដោយ​សារ​ជំងឺ​ COVID-19។​

កីឡាករ​គុន​ខ្មែរ​ខាង​លើ​នេះ​បន្ត​ប្រាប់​ទៀត​ថា​ ខ្លួន​អាច​យក​ឈ្នះ​ ពុយ​ វណ្ណៈ​ បាន​ដូច្នេះ​អាច​ថា​សមត្ថភាព​ឈាន​ដល់​ការ​វ៉ៃ​បរទេស​ហើយ។​ មួយ​វិញ​ទៀត​ ពុយ​ វណ្ណៈ​ ជា​កីឡាករ​មួយ​រូប​ក្នុង​កីឡាករ​គុន​ខ្មែរ​មួយ​ចំនួន​ដែល​ឧស្សាហ៍​បាន​ប្រកួត​បរទេស​ ហេតុ​នេះ​ហើយ​ វិឆ័យ​ សង្ឃឹម​ថា​គ្រប់​ស្ថានីយ​ទូរទស្សន៍​ទាំង​អស់​នឹង​មើល​ឃើញ​ពី​សមត្ថភាព​របស់​ខ្លួន​ និង​ផ្ដល់​ឱកាស​ឲ្យ​បាន​ប្រកួត​បរទេស​ដូច​កីឡាករ​ដទៃ​នៅ​ពេល​ស្ថានភាព​ COVID-19 ​ត្រូវ​បញ្ចប់​មាន​ការ​ប្រកួត​អន្តរជាតិ​មក​វិញ។​

សោម វិឆ័យ ប្រកួត​កន្លងទៅ

រំលឹក​ដែរ​ថា​ កីឡាករ​ សោម​ វិឆ័យ​ បាន​យក​ឈ្នះ​ជើង​ខ្លាំង​ ពុយ​ វណ្ណៈ​ ដោយ​ពិន្ទុ​កាល​ពី​ថ្ងៃ​សៅរ៍​ ទី៩​ ខែ​ឧសភា​ ឆ្នាំ​២០២០​ បាន​ឱកាស​ឡើង​ទៅ​វគ្គ​ផ្ដាច់ព្រ័ត្រ​ពាន​រង្វាន់​ TV5​ ទម្ងន់​ ៦៣,៥​គីឡូក្រាម៕​

អត្ថបទ៖ នួន ស៊ីណា​

មតិយោបល់