- 2020-05-18 09:31:46
- ប្រដាល់
ប៊ុន សុផុត ប្រាក់រង្វាន់ឈ្នះ១២លានរៀលនេះនឹងយកជូនឪពុកធ្វើស្រែចម្ការ
- 2020-05-18 09:31:46
- ចំនួនមតិ 0 | ចំនួនចែករំលែក 0
ប៊ុន សុផុត ប្រាក់រង្វាន់ឈ្នះ១២លានរៀលនេះនឹងយកជូនឪពុកធ្វើស្រែចម្ការ
ចន្លោះមិនឃើញ
កីឡាករពន្លកថ្មីគុនខ្មែរ ប៊ុន សុផុត ដែលទើបឈ្នះពានរង្វាន់ «កម្ពុជាអ្នកប្រដាល់គុនខ្មែរឆ្ពោះទៅស៊ីហ្គេម ២០២៣» ថាថវិកាដែលទទួលបាននេះយកទៅជូនឪពុកដើម្បីសម្រួលដល់ការធ្វើស្រែចម្ការ និងសល់ខ្លះទុកសម្រាប់ខ្លួនឯង។
ប៊ុន សុផុត បានឲ្យដឹងថា រូបគេពិតជាត្រេកអរខ្លាំងដែលទទួលបានជ័យជម្នះក្នុងការប្រកួតវគ្គផ្ដាច់ព្រ័ត្រពានរង្វាន់ «កម្ពុជាអ្នកប្រដាល់គុនខ្មែរឆ្ពោះទៅស៊ីហ្គេម ២០២៣» ហើយប្ដេជ្ញាពង្រឹងសមត្ថភាពខ្លួនឯងបន្ថែមទៀតដើម្បីជោគជ័យលើវិស័យកីឡាមួយនេះ។
កូនសិស្សលោក អេ ភូថង រូបនេះយកថវិកាដែលឈ្នះ១២លានទៅជួយក្រុមគ្រួសារសម្រាប់ប្រើប្រាស់ក្នុងការធ្វើស្រែចម្ការ ហើយមួយចំនួនសម្រាប់ខ្លួនឯងដើម្បីបន្តការហ្វឹកហាត់ដ៏វែងឆ្ងាយលើវិថីប្រដាល់មួយនេះ។
រំលឹកដែរថា កីឡាករ ប៊ុន សុផុត យកឈ្នះពិន្ទុលើកីឡាករ ថាន់ ប៊ុនរ៉ុង កាលពីព្រឹកម្សិលមិញនេះលើសង្វៀនបាយ័ន ក្នុងកម្មវិធី «កម្ពុជាអ្នកប្រដាល់គុនខ្មែរឆ្ពោះទៅស៊ីហ្គេម ២០២៣» ទទួលបានពានរង្វាន់១ និងថវិកា ១២លានរៀល ចំណែកលេខ២ ថាន់ ប៊ុនរ៉ិង បានថវិកា ៨លានរៀល ។ អ្នកលេខ៣ បានលើ អេលីត ឡុងឡី ថវិកា ៤លានរៀល និងលេខ៤ ម៉ិល សារុន ថវិកា ៣លានរៀល៕