- 2020-05-15 10:15:32
- ប្រដាល់
មឿន សុខហ៊ុច ផល សោភ័ណ្ឌ អ្នកគាំទ្រសរសើរមិនដាច់ពីមាត់ថាធ្វើបានល្អអំឡុង COVID
- 2020-05-15 10:15:32
- ចំនួនមតិ 0 | ចំនួនចែករំលែក 0
មឿន សុខហ៊ុច ផល សោភ័ណ្ឌ អ្នកគាំទ្រសរសើរមិនដាច់ពីមាត់ថាធ្វើបានល្អអំឡុង COVID
ចន្លោះមិនឃើញ
អ្នកប្រដាល់ចាស់វស្សា២រូប មឿន សុចហ៊ុច និង ផល សោភ័ណ្ឌ ត្រូវបានអ្នកគាំទ្រប្រដាល់គុនខ្មែរសរសើរមិនដាច់ពីមាត់ថាធ្វើបានល្អនាការប្រកួតមិត្តភាពជាតិ និងជាតិកន្លងទៅនាអំឡុងផ្ទុះជំងឺ COVID-19 ប៉ុន្មានខែនេះ។
តាមរយៈជ័យជម្នះផ្ទួនៗលើមិត្តរួមជាតិកន្លងទៅប៉ុន្មានសប្ដាហ៍ជាប់គ្នា និងការយកឈ្នះលើ យ៉េន ឌីណា និង ឡៅ ចិត្រា ធ្វើឲ្យកេរ្តិ៍ឈ្មោះរបស់ មឿន សុខហ៊ុច មានភាពល្បីរន្ទឺឡើងវិញពីអ្នកគាំទ្រមួយចំនួន។ ទន្ទឹមនិងនេះកូនសិស្សលោក ណន រិទ្ធ រូបនេះកើបលុយក៏មិនស្ទើរដែរតាមការឈ្នះពានផង ឈ្នះកម្មវិធីប្រាក់លានផង។ ៣ប្រកួតរបស់ មឿន សុខហ៊ុច ឈ្នះពិន្ទុ ឡៅ ចិត្រា សូត្រ ប៊ុនធី យ៉េន ឌីណា។
ចំណែក ផល សោភ័ណ្ឌ ក៏មានការសរសើរមិនតិចដែរតាមបណ្ដាសង្គមហ្វេសបុក ដោយសារការប្រកួតរបស់គេភាពច្រើនផ្ដួលដៃគូឲ្យបោះបង់ការប្រកួតមុនចប់ទឹកទី៥ជាច្រើនលើក។ សោភ័ណ្ឌ តាំងចិត្តបានល្អ និងមិនគិតពីការប្រកួតមិត្តភាពជាតិនិងជាតិ ឬបរទេសនោះទេ ពោលឡើងសង្វៀនរូបគេប្រើអស់ពីសមត្ថភាពក៏ដូចជាមានឱកាសផ្ដាច់គឺផ្ដាច់តែម្ដង។ ជ័យជម្នះដ៏ល្អមួយនេះគឺពិតជាធ្វើឲ្យអ្នកគាំទ្រមួយចំនួនសរសើរអស់ពីចិត្តមែន ប៉ុន្តែអ្នកមួយចំនួនក៏មានការមិនពេញចិត្តខ្លះដែរ ដោយគិតថា សោភ័ណ្ឌ មិនចេះយោគយល់ខ្មែរដូចគ្នា។ ៣ប្រកួតចុងក្រោយរបស់ សោភ័ណ្ឌ ឈ្នះសន្លប់លើ ឈឿន ឆៃដែន ឈ្នះសន្លប់លើ គង់ សំបូរ និងស្មើ យ៉េន ឌីណា៕
