- 2020-05-08 03:51:20
- ប្រដាល់
អ្នករហ័សប៉ះអ្នកលឿន ខាំ ខ្លានាង ប៉ះ សុខ រិទ្ធ អាទិត្យនេះលើសង្វៀនឯកភ្នំ
- 2020-05-08 03:51:20
- ចំនួនមតិ 0 | ចំនួនចែករំលែក 0
អ្នករហ័សប៉ះអ្នកលឿន ខាំ ខ្លានាង ប៉ះ សុខ រិទ្ធ អាទិត្យនេះលើសង្វៀនឯកភ្នំ
ចន្លោះមិនឃើញ
សម្រាប់ការប្រកួតលើសង្វៀនឯកភ្នំក្នុងសប្ដាហ៍នេះគឺជើងខ្លាំងទម្ងន់ស្រាល ខាំ ខ្លានាង នឹងត្រូវតតាំងជាមួយអ្នកប្រដាល់ល្បីឈ្មោះមកពីជាយដែន សុខ រិទ្ធ នាជំនួបមិត្តភាពជាតិ និងជាតិ ។ (រូបភាពក្របខាងក្រៅរបស់ផេកឯកភ្នំ)
សុខ រិទ្ធ និង ខាំ ខ្លានាង អ្នកតាមដានវិស័យប្រដាល់គុនខ្មែរស្គាល់ច្បាស់ហើយពីសមត្ថភាពក៏ដូចជាកេរ្តិ៍ឈ្មោះរបស់អ្នកទាំងពីរនាក់នេះ។ កូនសិស្សលោក បឺត សំខាន់ រូបនេះមានឈ្មោះបោះសំឡេងខ្លាំងរយៈពេលប៉ុន្មានឆ្នាំចុងក្រោយនេះ តាមរយៈការផ្ដួលដៃគូស្ទើរគ្រប់សង្វៀន ការប្រកួតដោយអស់ៗពីសមត្ថភាព ជាពិសេសមិនខ្លាចការវ៉ៃប្ដូរនោះទេ។
ចំណែក សុខ រិទ្ធ វិញជាអ្នកប្រដាល់រហ័ស និងជាកីឡាករវ៉ៃក្បាច់មួយរួបផងដែរ។ កីឡាករដើមកំណើតមកពីបន្ទាយមានជ័យខាងលើនេះ ហាក់ធ្លាក់កូដវិញបន្តិចបន្ទាប់ពីរូបគេបានចាញ់សន្លប់នៅឯប្រទេសមីយ៉ាន់ម៉ា លើសង្វៀន WLC ហើយតាំងពីនោះមកមិនដែលឃើញឡើងប្រកួតឡើយរហូតដល់ពេលនេះ។
ការប្រកួតនេះពិបាកស្មានទុកមុនណាស់ ព្រោះសមត្ថភាពប្រហាក់ប្រហែលគ្នា បទពិសោធលើសង្វៀនច្រើនដូចគ្នា និងភាគច្រើនផ្ដួលដៃគូឲ្យសន្លប់ក៏ដូចគ្នាទៅទៀត។ ដូច្នេះការប៉ះគ្នានេះច្បាស់ជាកក្រើក។ មួយវិញទៀតការប្រកួតរវាង សុខ រិទ្ធ និង ខាំ ខ្លានាង នេះជាការចង់បានរបស់អ្នកគាំទ្រមួយចំនួនយូរណាស់ហើយ ឥលូវបានសម្រេចបំណងរបស់ពួកគេផងដែរថ្ងៃអាទិត្យ ទី១០ ខែឧសភា ឆ្នាំ ២០២០។ ការប្រកួតនឹងចាប់ផ្ដើមពីម៉ោង៨យប់តទៅ នឹងមានផ្សាយផ្ទាល់តាមទូរទស្សន៍ BTV ៕
