- 2020-04-27 09:04:12
- ប្រដាល់
ធន់ មករា និយាយក្រោយប៉ះ ឡុង ជិន៖ ចាញ់ ឬឈ្នះក៏ត្រូវវ៉ៃគាត់ឲ្យទ្រមខ្លះដែរ
- 2020-04-27 09:04:12
- ចំនួនមតិ 0 | ចំនួនចែករំលែក 0
ធន់ មករា និយាយក្រោយប៉ះ ឡុង ជិន៖ ចាញ់ ឬឈ្នះក៏ត្រូវវ៉ៃគាត់ឲ្យទ្រមខ្លះដែរ
ចន្លោះមិនឃើញ
កូនសិស្សលោក ធន់ សុភា ថារូបគេពិតជាសប្បាយចិត្តនៅដែលបានសងសឹកវិញលើកីឡាករ ឡុង ជិន កាលពីថ្ងៃសៅរ៍ ទី២៥ ឆ្នាំ ២០២០ ខណៈត្រៀមចិត្តទុកនោះគឺចាញ់ ឬឈ្នះក៏ដោយត្រូវដៃគូឲ្យទ្រមដែរ។
ធន់ មករា ឬ តាញ់ មករា បានឲ្យដឹងថា សម្រាប់ការប្រកួតជាមួយ ឡុង ជិន លើកទី២ នេះគឺពិបាកព្រោះសមត្ថភាពប្រហាក់ប្រហែលគ្នា។ នេះដោយសារតែធ្លាប់ប៉ះគ្នា និងដឹងក្បាច់ខ្លះៗហើយទើបអាចឈ្នះនាប្រកួតលើកទី២ ។
សិស្សគុនមកពីក្រសួងការពារជាតិខាងលើនេះបន្តប្រាប់ទៀតថា កីឡាករ ឡុង ជិន គឺល្អពូកែវ៉ៃទប់ទឹក ប្រសិនបើខ្លួនចាញ់ស៊ុហ្វតែបន្តិចដឹងតែចាញ់ការប្រកួតមួយនេះហើយ។ មករា លើកឡើងទៀតថា ការចាញ់លើកទី១ ជាការឈឺចាប់មួយសម្រាប់ខ្លួន ដូច្នេះការប៉ះគ្នាលើកទី២ នេះគឺត្រូវតែខំប្រឹងចាញ់ឈ្នះក៏ត្រូវវ៉ៃឲ្យដៃគូទ្រមវិញដែរ។
រំលឹកដែរថា ឡុង ជិន ធ្លាប់ឈ្នះ ធន់ មករា ដោយពិន្ទុយកខ្សែក្រវាត់ប្រាក់នៅសង្វៀន PNN នាពេលកន្លងទៅ។ ចំណែកលើកទី២ កាលពីថ្ងៃសៅរ៍នេះ មករា យកឈ្នះពិន្ទុលើ ឡុង ជិន វិញដណ្ដើមបានប្រាក់លាននៅសង្វៀន CNC៕
