- 2020-04-24 09:47:14
- ប្រដាល់
ឡុង ជិន សង្ឃឹម ៧០% ឈ្នះ ធន់ មករា ដណ្ដើមប្រាក់លានស្អែក
- 2020-04-24 09:47:14
- ចំនួនមតិ 0 | ចំនួនចែករំលែក 0
ឡុង ជិន សង្ឃឹម ៧០% ឈ្នះ ធន់ មករា ដណ្ដើមប្រាក់លានស្អែក
ចន្លោះមិនឃើញ
អ្នកប្រដាល់ដើមកំណើតមកពីខេត្តព្រៃវែង ឡុង ជិន ថារូបគេបានហ្វឹកហាត់ត្រៀមបាន ១០០% ឯណោះសម្រាប់ការប្រកួតដណ្ដើមប្រាក់លាន ឬជំនួបសងសឹកជាមួយសិស្សប្អូន ធន់ មករា នាព្រឹកស្អែកលើសង្វៀន CNC។
កីឡាករ ឡុង ជិន បានឲ្យដឹងលើហ្វេសបុកលោក Ricky ដែលជាគ្រូរបស់ខ្លួនថា ចំពោះការហ្វឹកហាត់ ឬការត្រៀមខ្លួនប្រកួតជាមួយ ធន់ មករា គឺល្អគ្រប់គ្រាន់បាន ១០០% តែម្ដង។ សម្រាប់ការប៉ះគ្នាលើកទី២នេះ សិស្សគុនមកពីក្លឹបខ្លារខិនខាងលើសង្ឃឹមឈ្នះ ៧០% ឈ្នះលើ មករា ។ បើនិយាយថាឈ្នះពិន្ទុ ឬសន្លប់បែបណានោះនៅមិនទាន់អាចនិយាយបានឡើយ យ៉ាងណានឹងខំប្រឹងយកជ័យជម្នះឲ្យបាន។
រំលឹកដែរថា ឡុង ជិន ធ្លាប់ឈ្នះ ធន់ មករា ១ដងហើយកាលពីវគ្គផ្ដាច់ព្រ័ត្រខ្សែក្រវាត់ប្រាក់លើសង្វៀន PNN កន្លងទៅ។ ចំណែកការប្រកួតលើកទី២ ដណ្ដើមប្រាក់លាន ឬជំនួបសងសឹកនេះនឹងត្រូវធ្វើឡើងនាព្រឹកស្អែកចាប់ពីម៉ោង៨តទៅលើសង្វៀនប្រដាល់ CNC៕
