- 2020-04-15 04:49:19
- ប្រដាល់
ល្អមើលហើយអាទិត្យនេះ ឡៅ ចិត្រា ប៉ះ មឿន សុខហ៊ុច ឡៅ ចន្រ្ទា ប៉ះ ឡុង សុភី
- 2020-04-15 04:49:19
- ចំនួនមតិ 0 | ចំនួនចែករំលែក 0
ល្អមើលហើយអាទិត្យនេះ ឡៅ ចិត្រា ប៉ះ មឿន សុខហ៊ុច ឡៅ ចន្រ្ទា ប៉ះ ឡុង សុភី
ចន្លោះមិនឃើញ
សម្រាប់សប្ដាហ៍នេះបើមិនមានអ្វីប្រែប្រួលទេនោះ បានមើលត្រូល ឡៅ ទៀតហើយប៉ះសុទ្ធតែកីឡាករខ្លាំងៗម្នាក់ប៉ះ មឿន សុខហ៊ុច ម្នាក់ប៉ះ ឡុង សុភី ថ្ងៃសៅរ៍លើសង្វៀន CNC ។
ចំពោះ ឡៅ ចន្រ្ទា ប៉ះជាមួយ ឡុង សុភី នេះអាចថាគូសងសឹកផងដែរ ព្រោះការប្រកួតជើងឯកថ្នាក់ជាតិប៉ុន្មានឆ្នាំមុននេះធ្លាប់តតាំងគ្នាម្ដងហើយ។ សុភី ទើបតែឈ្នះសិស្សគុនមកពីឆត្រយោង ៩១១ វង្ស វិឆ័យ កាលពីសប្ដាហ៍មុន ឥលូវសប្ដាហ៍នេះបានជួបកីឡាករមកពីឆត្រយោងទៀតហើយ។
ឡៅ ចិត្រា ប៉ះ មឿន សុខហ៊ុច គឺជាគូគួរឲ្យចាប់អារម្មណ៍សម្រាប់អ្នកនិយមទស្សនាគុនខ្មែរ ព្រោះម្នាក់ជាកីឡាកររលកក្រោយ ម្នាក់ជាកីឡាករចាស់វង្សាដែលមានប្រវត្តិជួបតាំងពី កែវ រំចង់ មកម្ល៉េះ។ សុខហ៊ុច ទើបតែយកឈ្នះពិន្ទុ ឡុង សំណាង សប្ដាហ៍មុន ឥលូវនេះមកស្វាគមន៍សិស្សប្អូនមួយរូបទៀតហើយ ប៉ុន្តែយ៉ាងណាលើកនេះរឹតតែពិបាកជាងមុនទៅទៀត ព្រោះ ឡៅ ចិត្រា ជាកីឡាករល្អមួយរូប និងមានស្នៀតគ្រោះថ្នាក់ច្រើន។
ត្រកូល ឡៅ ទាំងពីរនាក់នេះប្រកួតនៅលើសង្វៀន CNC មែនតែកម្មវិធីផ្សេងគ្នា ឡៅ ចិត្រា ប៉ះ មឿន សុខហ៊ុច នាព្រឹកថ្ងៃសៅរ៍ ចាប់ពីម៉ោង ៨ តទៅ ចំណែក ឡៅ ចន្រ្ទា ប៉ះ ឡុង សុភី ល្ងាចថ្ងៃសៅរ៍ ចាប់ពីម៉ោង ៦ល្ងាច៕
