- 2020-04-08 08:49:36
- ប្រដាល់
ទីបំផុត ឡុង សុភី បានជួបសងសឹក វង្ស វិឆ័យ ហើយក្រោយមានស្លាកស្នាមចាញ់ឈ្នះពីមុន
- 2020-04-08 08:49:36
- ចំនួនមតិ 0 | ចំនួនចែករំលែក 0
ទីបំផុត ឡុង សុភី បានជួបសងសឹក វង្ស វិឆ័យ ហើយក្រោយមានស្លាកស្នាមចាញ់ឈ្នះពីមុន
ចន្លោះមិនឃើញ
បន្ទាប់ពីសម្ដេចបានបញ្ជាក់ថាកម្មវិធីអាចប្រកួតទៅបានវិញនេះ សង្វៀនប្រដាល់ CNC ក៏ប្រកាសផ្សព្វផ្សាយការប្រកួតជាថ្មីវិញចុងសប្ដាហ៍នេះ ដែលសុទ្ធតែជាការប្រកួតគូពិសេស និងចាប់អារម្មណ៍ទៀតផង។
ឡុង សុភី ធ្លាប់ចាញ់អ្នកប្រដាល់ស្រករក្រោយ វង្ស វិឆ័យ នៅឯសង្វៀនអាស៊ីអាគ្នេយ៍ក្នុងវគ្គពាក់កណ្ដាលផ្ដាច់ព្រ័ត្រខ្សែក្រវាត់ឆេមពាន កាលពីប៉ុន្មានខែមុន ខណៈការចាញ់នោះរូបគេគឺបង្ហាញការមិនពេញចិត្តលើបណ្ដាញសង្គម និងចិញ្ចឹមចិត្តបានឱកាសសងសឹកនៅពេលណាមួយទៀតផង។
ការជួបសងសឹកជាមួយ វង្ស វិឆ័យ នេះត្រូវបានខកបំណងម្ដងហើយ ដោយសារតែកម្មវិធីប្រដាល់ត្រូវបានផ្អាកបណ្ដោះអាសន្នដើម្បីរួមគ្នាទប់ស្កាត់ការរីករាលដាលនៃជំងឺ COVID-19 កាលពីសប្ដាហ៍មុននេះ ប៉ុន្តែឥលូវនេះបានឱកាសជាថ្មីហើយអាចជួបគ្នានៅព្រឹកថ្ងៃសៅរ៍នេះ។
សុភី ត្រូវបាត់បង់ឱកាសក្ដោបលុយធំ និងខ្សែក្រវាត់ដោយសារ វិឆ័យ ដូច្នេះហើយការប្រកួតគ្នាលើកនេះអាចនឹងតានតឹងហើយល្អមើលតែម្ដង។ ម្នាក់ៗសុទ្ធតែចង់ឈ្នះរៀងៗខ្លួន ដើម្បីបញ្ជាក់ថារូបគេពិតជាខ្លាំង មានសមត្ថភាពសមនិងឈ្នះ។ ឡុង សុភី ប៉ះ វង្ស វិឆ័យ នៅថ្ងៃសៅរ៍ ទី១១ ខែមេសា ឆ្នាំ២០២០ វេលាម៉ោង ៨ព្រឹកតទៅនៅ CNC ៕
វីដេអូប្រកួតលើកមុន៖
