- 2020-03-10 12:28:38
- បាល់ទាត់
Mourinho៖ ខ្ញុំកាន់តាំងពី Spurs ពិបាក ឥឡូវយ៉ាប់ជាងមុនទៀត ប៉ុន្តែនឹងធ្វើរឿងនេះឲ្យបាន
- 2020-03-10 12:28:38
- ចំនួនមតិ 0 | ចំនួនចែករំលែក 0
Mourinho៖ ខ្ញុំកាន់តាំងពី Spurs ពិបាក ឥឡូវយ៉ាប់ជាងមុនទៀត ប៉ុន្តែនឹងធ្វើរឿងនេះឲ្យបាន
ចន្លោះមិនឃើញ
លោក Jose Mourinho អ្នកចាត់ការក្លឹប Tottenham Hotspur បាននិយាយកាលពីពេលថ្មីៗនេះថា ក្លឹបរបស់លោកនៅពេលនេះ យ៉ាប់យឺនណាស់ ដោយសារតែរឿងរបួសកីឡាករ ប៉ុន្តែលោកសន្យានឹងឈ្នះពានឲ្យបានក្នុងកុងត្រាជាមួយ Spurs។
លោក Mourinho បាននិយាយថា ៖ " ខ្ញុំមិនជឿថាក្លឹប Tottenham Hotspur ជាក្លឹបតែមួយគត់ ដែលខ្ញុំមិនទទួលបានពានកំពូលលីគទេ។ ខ្ញុំឈ្នះពាននេះរាល់តែក្លឹបដែលខ្ញុំដឹកនាំហ្នឹង អញ្ចឹងហើយបានខ្ញុំជឿជាក់ថា ខ្ញុំនឹងទទួលបានពាននេះជាមួយក្លឹបដែលខ្ញុំដឹកនាំសព្វថ្ងៃនេះ " ។
អ្នកចាត់ការក្លឹបរូបនេះបានបន្តថា ៖ " ខ្ញុំបានដឹកនាំក្លឹបនេះ ៣ទៅ ៤ខែហើយ។ ខ្ញុំមកដឹកនាំតាំងពីក្លឹបនេះមានស្ថានភាពលំបាកខ្លាំង តែឥឡូវវារឹតតែលំបាកជាងមុនទៀត តែយ៉ាងណា ខ្ញុំនៅតែជឿលើខ្លួនខ្ញុំ ជឿលើកីឡាករខ្ញុំ និងក្លឹបរបស់ខ្ញុំ។ ខ្ញុំជឿជាក់ថា ខ្ញុំនឹងយកពាននេះមកឲ្យក្លឹបខ្ញុំឲ្យទាល់តែបាន។ វាមិនមែនខ្ញុំជាអ្នកឈ្នះទេ តែវាជាខ្ញុំដែលត្រូវតែ ជួយកីឡាករនិងក្លឹប ដើម្បីយកពានកំពូលលីគមួយនេះ " ។
គួរបញ្ជាក់ផងដែរថា ក្នុងអាជីពជាអ្នករបស់លោក Mourincho តាំងពីឆ្នាំ ២០០០ មកលោកតែងតែទទួលបានពានជានិច្ច រាល់ក្លឹបដែលលោកធ្លាប់បានដឹកនាំ ដោយរាប់ចាប់ពីពាន UEFA Champions League និងពាន UEFA Europa League រហូតដល់ពាន League Cup៕