- 2020-03-06 03:38:07
- បាល់ទាត់
ក្លឹបវិសាខា ក្រុមហ៊ុន Yue Tai Sports ជួយឧបត្ថម្ភសំបុត្រយន្តហោះពេលទៅប្រកួតក្រៅដី
- 2020-03-06 03:38:07
- ចំនួនមតិ 0 | ចំនួនចែករំលែក 0
ក្លឹបវិសាខា ក្រុមហ៊ុន Yue Tai Sports ជួយឧបត្ថម្ភសំបុត្រយន្តហោះពេលទៅប្រកួតក្រៅដី
ចន្លោះមិនឃើញ
ក្លឹបបាល់ទាត់កំពុងលេចធ្លោនៅកម្ពុជា វិសាខា ម្សិលមិញនេះបានចុះកិច្ចព្រមព្រៀងភាពជាដៃគូជាក្រុមហ៊ុនឯកជនYue Tai Sports Development ក្នុងការជួយចេញថ្លៃសំបុត្រយន្តហោះរាល់ការប្រកួតក្រៅដីនៅឯខេត្តសៀមរាប សម្រាប់លីគកំពូលកម្ពុជា។
កញ្ញា នូសុវត្ថិ ចាន់វល័ក្ខ ទីប្រឹក្សាផ្នែកទីផ្សាររបស់ក្លឹបវិសាខា បានឲ្យដឹងថា កិច្ចព្រមព្រៀងជាមួយក្រុមហ៊ុនឯកជនខាងលើនេះគឺមានរយៈពេល៣ឆ្នាំ។ ចំពោះការជួយឧបត្ថម្ភវិញនោះ Yue Tai Sports នឹងជួយចេញសំបុត្រយន្តហោះសម្រាប់ធ្វើដំណើរដល់កីឡាករ ក្រុមការងាររបស់ក្លឹបទាំងទៅទាំងមកនៅពេលប្រកួតក្រៅដីនៅឯសៀមរាបក្នុងកម្មវិធីប្រកួតលីគកំពូល ។
តំណាងរបស់ក្លឹបបាល់ទាត់កម្ពុជាខាងលើប្រាប់បន្ថែមទៀតថា «ការចូលរួមឧបត្ថម្ភរបស់ក្រុមហ៊ុនឯកជនជាក់ស្ដែងក្រុមហ៊ុន YUETAI Sports Development ពេលនេះ គឺជាការរួមចំណែកមួយដ៏សំខាន់ ជាមួយថ្នាក់ដឹកនាំក្លឹប ដើម្បីជំរុញការអភិវឌ្ឍន៍វិស័យបាល់ទាត់កម្ពុជា ពិសេសក្លឹបបាល់ទាត់វិសាខា ឲ្យកាន់តែរីកចម្រើន និងឈានទៅរកការប្រកួតប្រជែងកាន់តែខ្លាំង ទាំងថ្នាក់ជាតិ អន្ដរជាតិ» ។
រំលឹកដែរថា ពិធីចុះកិច្ចព្រមព្រៀងភាពជាដៃគូរបស់ក្លឹបបាល់ទាត់វិសាខា ជាមួយក្រុមហ៊ុន Yue Tai Sports Development នេះធ្វើឡើងកាលពីម្សិលមិញនេះនៅឯកីឡដ្ឋានព្រីនស៍។ ក្នុងពិធីនោះក៏មានការចូលរួមពីប្រធានក្លឹបលោកជំទាវ កែ សួនសុភី និងគណៈគ្រប់គ្រងក្លឹបក៏ដូចជាខាងតំណាងក្រុមហ៊ុន Yue Tai Sports ជាច្រើននាក់ទៀតផង ៕