- 2020-02-02 09:01:03
- បាល់ទាត់
គិតដូចវិសាខានេះល្អណាស់ អភិវឌ្ឍន៍ទាំងបាល់ទាត់ និងការសិក្សាកីឡាករ
- 2020-02-02 09:01:03
- ចំនួនមតិ 0 | ចំនួនចែករំលែក 0
គិតដូចវិសាខានេះល្អណាស់ អភិវឌ្ឍន៍ទាំងបាល់ទាត់ និងការសិក្សាកីឡាករ
ចន្លោះមិនឃើញ
ថ្នាក់ដឹកនាំកំពូលរបស់ក្លឹបបាល់ទាត់វិសាខា លើកឡើងពីចក្ខុវិស័យ២ធំៗ គឺអភិវឌ្ឍន៍សមត្ថភាពយុវជន និងអភិវឌ្ឍន៍ការសិក្សារបស់កីឡាករផងដែរជាកក្កដាសំខាន់របស់ក្លឹបចង់ក្លាយជាការពិត និងមានគ្រប់ឆ្នាំទាំងអស់។
លោក រ៉ា នូវិបុត្រ នាយកប្រតិបត្តិក្រុមបាល់ទាត់វិសាខាបានឲ្យដឹងថា ចក្ខុវិស័យរបស់ក្លឹបនោះគឺមិនត្រឹមតែសមត្ថភាពរបស់កីឡាករនោះទេ ពោលគឺចូលរួមអភិវឌ្ឍន៍លើចំណេះដឹងការសិក្សាថែមទៀតផង។ បើទោះជាក្លឹបបង្កើតឡើងប្រហែល៥ឆ្នាំក្ដី ប៉ុន្តែបច្ចុប្បន្ននេះវិសាខា មានក្រុមយុវជន U-15 U-17 និងគ្រោងជ្រើសរើស U-14 ថែមទៀតផងនេះជាចក្ខុវិស័យចំពោះសមត្ថភាពបាល់ទាត់។
ចំពោះការអភិវឌ្ឍន៍លើការសិក្សាវិញ នាយកប្រតិបត្តិខាងលើបន្តប្រាប់ថា ជាក់ស្ដែងកីឡាករឈុតធំបច្ចុប្បន្ននេះគឺក្លឹបមានផ្ដល់ជាអាហារូបករណ៍ដើម្បីបានបន្តការសិក្សា។ មិនត្រឹមតែកីឡាករទេ មែនទែនទៅសូម្បីបុគ្គលិកឬគ្រូៗដូចគ្នានោះដែរ បើសិនមាននរណាចង់រៀនបន្ថែមលើជំនាញណាមួយនោះក្លឹបលើកទឹកចិត្ត និងជួយតាមជាក់ស្ដែងដែលអាចធ្វើទៅបាន។
រំលឹកដែរថា វិសាខាជាក្លឹបបាល់ទាត់ថ្មីមួយក្នុងលីគកំពូលកម្ពុជា។ ក្លឹបនេះបង្កើតឡើងប្រហែល៥ឆ្នាំនេះទេ។ រដូវការមុនក្នុងពានរង្វាន់លីគកំពូលរបស់កម្ពុជា វិសាខា ជាប់លេខ២ ខណៈក្រុមជើងឯកនោះបានលើ ស្វាយរៀង៕