- 2019-10-02 02:55:01
- ប្រដាល់
ឡុង ជិន មិនសូវកាក់កបសោះ ទើបសន្លប់លើទឹកដីថៃថ្មីៗនេះទៀតហើយ
- 2019-10-02 02:55:01
- ចំនួនមតិ 0 | ចំនួនចែករំលែក 0
ឡុង ជិន មិនសូវកាក់កបសោះ ទើបសន្លប់លើទឹកដីថៃថ្មីៗនេះទៀតហើយ
ចន្លោះមិនឃើញ
អ្នកប្រដាល់មកពីខេត្តកណ្ដាល ឡុង ជិន មួយរយៈពេលនេះដូចមិនសូវកាក់កបសោះចាញ់ ឡៅ ចិត្រា សន្លប់ទឹកទី១ ធ្លាក់ចេញពីការប្រកួតខ្សែក្រវាត់មាស ថ្មីៗនេះសន្លប់ទៀតហើយនៅឯប្រទេសថៃក្នុងកម្មវិធី Super Champ។
សម្រាប់ការប្រកួតនៅ Super Champ កាលពីថ្ងៃទី២៩ កញ្ញា បើកឆាកទឹកទី១ គេឃើញ ឡុង ជិន ធ្វើបានល្អគឺដើរបុកចូលវ៉ៃទៅលើកីឡាករថៃច្រើន មានកណ្ដាប់ដៃ និងទាត់ ខណៈការប្រុងប្រយ័ត្នក៏ល្អថែមទៀតផង ចេះគេច និងឆាកចេញពេលដៃគូវ៉ៃតបត។
ការប្រកួតឈានដល់ចុងទឹកទី១ អ្នកលេងគុនខ្មែរខាងលើនេះ ក៏ភ្លាត់ចូលកណ្ដាប់ដៃរបស់ថៃ រៀងស្រុកបន្តិច ជាហេតុធ្វើឲ្យដៃគូដឹងថារូបគេខ្សោយមុខ រួចក៏បន្តចេញកណ្ដាប់ដៃធ្ងន់ៗសម្រុកបន្ថែមរហូតសន្លប់តែម្ដង។ ឡុង ជិន បានត្រឹមលើកកែងបម្រុងបុកទៅកីឡាករថៃវិញ ប៉ុន្តែកណ្ដាប់របស់ដៃគូលឿន និងវ៉ៃតាមចន្លោះកែងបានយ៉ាងល្អរហូតសន្លប់ក្នុងចុងទឹកទី១នោះតែម្ដងទៅ។
រំលឹកដែរថា ក្នុងខែកញ្ញា ២០១៩ នេះ ឡុង ជិន សន្លប់ក្នុងទឹកទី១ ដល់ទៅ២ដងឯណោះ។ សន្លប់នៅសង្វៀន PNN ក្រោមថ្វីដៃ ឡៅ ចិត្រា កម្មវិធីពាក់កណ្ដាលផ្ដាច់ព្រ័ត្រខ្សែក្រវាត់មាស ចំណែកលើកទី២នេះ កាលពីថ្ងៃទី២៩ ថ្មីៗនេះសន្លប់លើសង្វៀន Super Champ នៅប្រទេសថៃ៕
វីដេអូប្រកួត៖
