- 2019-09-09 03:57:44
- ប្រដាល់
ស្មើយប់មិញនៅ Super Champ ឡុង សំណាង វ៉ៃថៃហូរឈាមដាបពេញមុខ
- 2019-09-09 03:57:44
- ចំនួនមតិ 0 | ចំនួនចែករំលែក 0
ស្មើយប់មិញនៅ Super Champ ឡុង សំណាង វ៉ៃថៃហូរឈាមដាបពេញមុខ
ចន្លោះមិនឃើញ
បើទោះលទ្ធផលត្រឹមស្មើម្ចាស់ផ្ទះថៃយប់មិញនៅកម្មវិធី Super Champ មែនប៉ុន្តែ ឡុង សំណាង ផ្ដល់មេរៀនយ៉ាងចាស់ដៃដល់ Star Boy វ៉ៃបែកឈាមហូរពេញមុខរហូតត្រូវពេទ្យមើល២-៣ដងថែមទៀតផង។
កូនសិស្សលោក សាលវ័ន្ត ខាងលើនេះ ត្រូវបានគេសរសើរច្រើនមែនទែនក្នុងបណ្ដាញសង្គមហ្វេសបុក ជាពិសេសអ្នកគាំទ្រប្រដាល់គុនខ្មែរតែម្ដង។ ៣ទឹកពេញទាំងកីឡាករខ្មែរ កីឡាករថៃ បើកឆាកប្រយុទ្ធមិនឲ្យពេលវេលាដើរទទេៗនោះឡើយ វ៉ៃប្ដូរទៅប្ដូរមករហូតមានស្នាមបែករៀងៗខ្លួនតែម្ដង។
ឡុង សំណាង ចាប់ផ្ដើមលេងកែងតាំងតែពីទឹកទី១ទៅ ជាពិសេសនោះកែងបុក នៅពេលដែលអ្នកលេងគុនថៃ Star Boy មិនទាន់ប្រយ័ត្នស្រួលបួលផង។ នៅពេលអ្នកប្រដាល់ថៃ ចូលចាប់ឡាំជង្គង គឺតែងត្រូវកែងបត់ និងកែងបុករបស់ សំណាង ជានិច្ច ហើយការត្រូវនេះធ្វើឲ្យ Star Boy បែកឈាមហូរពេញផ្ទៃមុខ រហូតអាជ្ញាកណ្ដាលហៅគ្រូពេទ្យមកពិនិត្យ២-៣ផងដែរ។
ទោះជាពួកគេបែករៀងៗខ្លួនយ៉ាងនេះក្ដី ប៉ុន្តែមិនបានបង្អាក់ការប្រកួតនោះឡើយ ពោលការប្រកួតរវាង ឡុង សំណាង និង Star Boy បន្តរហូតបញ្ចប់ទឹកទី៣ ហើយការប្រកួតនេះគឺជក់ចិត្តសម្រាប់អ្នកទស្សនាតែម្ដងដោយសារតែការវ៉ៃប្ដូរទៅមក។
រំលឹកដែរថា ឡុង សំណាង និងកីឡាករម្ចាស់ផ្ទះថៃ Star Boy បានត្រឹមស្មើពិន្ទុគ្នាប៉ុណ្ណោះ នាជំនួបគូឯកប្រចាំសង្វៀន Super Champ ម្សិលមិញនេះ។ ក្រៅពី ឡុង សំណាង ក៏មានកីឡាករខ្មែរ១រូបទៀតដែរ គឺ យ៉ន ដារ័ត្ន ចាញ់ពិន្ទុកីឡាករថៃ៕
វីដេអូប្រកួត៖