- 2019-04-09 03:13:32
- ប្រដាល់
ឪពុក កែវ រំចង់ ជាតួឯកល្ខោនបាសាក់ដ៏ល្បីប្រចាំបាត់ដំបងសម័យមុន
- 2019-04-09 03:13:32
- ចំនួនមតិ 0 | ចំនួនចែករំលែក 0
ឪពុក កែវ រំចង់ ជាតួឯកល្ខោនបាសាក់ដ៏ល្បីប្រចាំបាត់ដំបងសម័យមុន
ចន្លោះមិនឃើញ
ធ្លាប់តែឃើញកែវ រំចង់ឡើងលើសង្វៀនប្រដាល់ដែលមានឪពុកជាគ្រូបង្វឹកផ្ទាល់ និងជារឿយៗឃើញលោកទៅគាំទ្រលើកទឹកចិត្តផ្ទាល់នៅសង្វៀន ដូច្នេះលោកអ្នកប្រហែលជាគិតថា លោក កែវ សំអាងជាអ្នកប្រដាល់ដ៏ល្បីមួយរូប។ ពិតណាស់ លោកមិនត្រឹមតែជាអតីតប្រដាល់ប៉ុណ្ណោះទេ ប៉ុន្តែលោកក៏ជាសិល្បករផ្នែកល្ខោនបាសាក់ដ៏ល្បីប្រចាំខេត្តបាត់ដំបង។
លោក កែវ សំអាងបានឲ្យដឹងថា លោកបានចាប់សម្តែងល្ខោនបាសាក់តាំងពីឆ្នាំ១៩៧៩រហូតដល់ឆ្នាំ១៩៩៣។ ដើមឡើយលោកសម្ដែងជាតួធម្មតា ប៉ុន្តែបន្ទាប់មកក៏សម្ដែងជាតួឯករហូត។ ការប្រឡូកចូលក្នុងពិភពសិល្បៈល្ខោនបាសាក់នេះដោយសារឪពុកម្ដាយរបស់លោកក៏ជាតួឯកល្ខោនបាសាក់ដែរ។
លោកបាននិយាយថា ៖«ខ្ញុំបានសម្តែងរឿងច្រើនណាស់ រឿងប្រវត្តិសាស្ត្រ រឿងបុរាណ រឿងព្រេងនិទាន រឿងសម័យទៅតាមខេត្តក្រុងនានាក្នុងប្រទេសកម្ពុជា។ ខ្ញុំនៅក្រុមសិល្បៈល្ខោនមហាជនខេត្តបាត់ដំបងគឺសម្តែងទាំងបុរាណ និងសម័យ។ កាលឆ្នាំ១៩៨៥ ខ្ញុំក៏បានប្រឡងទៅប្រឡងលោ្ខនបាសាក់ទូទាំងប្រទេសនៅភ្នំពេញដែរ»។ ពេលសួរថា ហេតុអ្វីបានជាគេផ្ដល់ឱកាសឲ្យលោកសម្ដែងជាតួឯក? ឪពុក កែវ រំចង់បានប្រាប់ថា ៖«តួឯកហ្នឹង...(សើច)...មុនគេឲ្យយើងសម្តែង គេត្រូវមើលលក្ខណៈច្រើនដែរដូចជារូបសង្ហា វោហារសាស្ត្រ សំឡេងក៏បាន និងភាពប៉ិនប្រសប់ដែរ»។ ក្រៅពីអាជីពសិល្បៈល្ខោនបាសាក់ លោកក៏ជាអតីតអ្នកប្រដាល់មួយរូបប្រចាំខេត្តបាត់ដំបងដែរមុនពេលលោកបើកក្លឹបប្រដាល់។ លោកធ្លាប់បានប្រកួតជាច្រើននៅខេត្ត តាមជាយដែន និងឆ្លងចូលដល់ប្រទេសថៃ៕