/sportevezzzzzzzzzzzzzzzzzzzzzzzzzzzzz/raksmey/sportevezzzzzzzzzzzzzzzzzzzzzzzzzzzzzzzzzzzz(3)/sportevezzzzzzzzzzzzzzzzzzzzzzzzzzzzzzzzzzzz(8)/5c8f78e2953b3_1552906440_medium.jpg)
- 2019-03-18 10:56:51
- ប្រវត្តិ
មានតែគ្រូម្នាក់គត់ដែលធ្លាប់ឈ្នះពានលីគ ៤ប្រទេស ចំណោមលីគកំពូលៗអឺរ៉ុបទាំង ៥
- 2019-03-18 10:56:51
- ចំនួនមតិ 0 | ចំនួនចែករំលែក 0
មានតែគ្រូម្នាក់គត់ដែលធ្លាប់ឈ្នះពានលីគ ៤ប្រទេស ចំណោមលីគកំពូលៗអឺរ៉ុបទាំង ៥
ចន្លោះមិនឃើញ
ក្នុងលីគកំពូលៗទាំង ៥អឺរ៉ុប ក្លឹបនីមួយៗតស៊ូលំបាកណាស់ទម្រាំតែបានឈ្នះពានលីគម្ដងៗ។ គ្រូបង្វឹក ក៏ដូចជាកីឡាករខ្លះ លេងស្ទើរពេញមួយអាជីពរបស់ខ្លួនហើយ នៅតែមិនទាន់ស្គាល់រសជាតិមេដាយមាសចំណាត់ថ្នាក់លេខ ១ នៅតាមលីគផង។ ដោយឡែក បុរសម្នាក់នេះប្រកបអាជីពរបស់គាត់នៅលីគកំពូលៗអឺរ៉ុបទាំង ៥ ហើយឈ្នះពានលីគនៅ ៤ប្រទេសផ្សេងៗគ្នា។
បុរសម្នាក់នោះគឺ Carlo Ancelotti ដែលជាគ្រូបង្វឹកជនជាតិអ៊ីតាលី ដឹកនាំក្លឹប Napoli នៅពេលបច្ចុប្បន្ននេះ។ លោកចាប់ផ្ដើមអាជីពជាគ្រូបង្វឹកតាំងពីឆ្នាំ ១៩៩៥ ដោយបានដឹកនាំក្លឹបចំនួន ៩ផ្សេងគ្នា ដែលក្នុងនោះក្លឹបអ៊ីតាលីចំនួន ៥, ក្លឹបបារាំង ១, អង់គ្លេស ១, អេស្ប៉ាញ ១ និង អាល្លឺម៉ង់ ១។
ក្នុងរយៈពេលជាង ២៥ឆ្នាំក្នុងអាជីពរបស់លោក Ancelotti បានឈ្នះពានលីគកំពូលចំនួន ៤ នៅក្នុង ៤ប្រទេសផ្សេងគ្នា។
ពានលីគកំពូលដែលលោកឈ្នះដំបូងគេគឺ ពាន Serie A ដោយលោកឈ្នះជាមួយក្លឹប AC Milan នៅរដូវកាល ២០០៣/០៤។ រំលងប្រមាណ ៥ឆ្នាំ លោកបានឈ្នះពាន Premier League ដោយលោកឈ្នះជាមួយក្លឹប Chelsea ក្នុងរដូវកាល ២០០៩/១០។ លុះរដូវកាល ២០១២/១៣ លោកឈ្នះពាន Ligue 1 ជាមួយក្លឹបយក្សបារាំង Paris Saint-Germain ហើយចុងក្រោយគឺនៅរដូវកាល ២០១៦/១៧ លោកឈ្នះពាន Bundesliga ជាមួយក្លឹប Bayern Munich។
យ៉ាងណាក៏ដោយ លោកក៏បានឈ្នះពានក្នុងក្របខ័ណ្ឌកំពូលអឺរ៉ុបដែរ ដោយលោកបានឈ្នះពាន UEFA Champions League ចំនួន ៣ ដង នៅក្លឹបចំនួន ២ផ្សេងគ្នា គឺក្លឹប AC Milan ២ដង និងReal Madrid ១ដង៕
