- 2019-02-23 07:20:18
- វិភាគ
អ្នកវិភាគបាល់ទាត់ថាវាជារឿង "ឆ្កួត" ប្រសិនបើ Sarri មិនផ្លាស់ប្ដូរវិធីសាស្ត្រ
- 2019-02-23 07:20:18
- ចំនួនមតិ 0 | ចំនួនចែករំលែក 0
អ្នកវិភាគបាល់ទាត់ថាវាជារឿង "ឆ្កួត" ប្រសិនបើ Sarri មិនផ្លាស់ប្ដូរវិធីសាស្ត្រ
ចន្លោះមិនឃើញ
Paul Merson គិតថាវាជារឿង "ឆ្កួត" ប្រសិនបើ Chelsea មិនផ្លាស់ប្តូរវិធីរបស់ពួកគេក្នុងការប្រកួតវគ្គផ្ដាច់ព្រ័ត្រ Carabao Cup នៅថ្ងៃអាទិត្យទល់នឹងក្រុម Manchester City ហើយព្រមានថា Maurizio Sarri នឹងដល់ពេលវេលាបញ្ចប់។
Sarri កំពុងរងសម្ពាធក្រោយចាញ់ Man City ៦-០ ក្នុងក្របខ័ណ្ឌ Premier League និងបរាជ័យ ២-០ នៅដីខ្លួនឯងដោយសារ Manchester United នៅក្របខ័ណ្ឌ FA Cup។
អតីតកីឡាករ Arsenal និង អង់គ្លេសបានប្រាប់ទូរទស្សន៍ Sky Sports ថា៖ "Sarri គួរតែចេះបត់បែន។ ប្រសិនបើគេលេងយុទ្ធសាស្ត្រដដែល Sarriball នោះ Chelsea នឹងរងសម្ពាធពីប្រព័ន្ធការពារទន់ខ្សោយដោយសារការដាក់គំនាបពី Manchester City"។
"យើងគិតថាលោកនឹងផ្លាស់ប្តូររបៀបលេង ព្រោះប្រសិនបើមិនប្តូរទេ វា"ឆ្កួត" ដល់កម្រិតកំពូលមែនទែនហើយ។ អ្នកទើបចាញ់គេ ៦-០ កាលពីប៉ុន្មានសប្តាហ៍មុន ហើយអ្នកនឹងចេញទៅលេងដូចមុន? ខ្ញុំអាចនិយាយថានោះជាភាពឆ្កួតលីលាបំផុត"។
"នៅក្នុងគំនិតរបស់ខ្ញុំ ពួកគេមានកីឡាករ៣នាក់ ដែលអាចការពារបាន Cesar Azpilicueta, Antonio Rudiger និង N'Golo Kante ហើយអ្នកផ្សេងទៀតមិនអាចទេ។ កុំឲ្យពួកគេព្យាយាមលេងការពារ នៅពេលពួកគេមិនអាច។ ដាក់ពួកគេទៅតំបន់ដែលពួកគេលេងបាន ដើម្បីធ្វើឲ្យ [Man] City លំបាក"។
អ្នកវិភាគរបស់ Sky Sports ម្នាក់ទៀតគឺ Danny Higginbotham ក៏យល់ឃើញស្រដៀងនេះដែរ។ Higginbotham បាននិយាយថា Sarri ត្រូវតែដាក់ N'Golo Kante លេងឲ្យត្រូវតំណែងដើមរបស់គេវិញ គឺបម្រើការពារកណ្តាល។
លោកថា Fernandinho បានដើរតួយ៉ាងសំខាន់សម្រាប់ Man City ហើយ Kante ក៏អាចធ្វើបានបានដែរ។
"មើលទៅអ្វីដែល Fernandinho បានធ្វើសម្រាប់ Manchester City ហើយ Kante គួរតែធ្វើអីចឹងដូចគ្នាសម្រាប់ Chelsea។ គាត់ធ្លាប់ធ្វើដូច្នោះ [ បម្រើការពារកណ្តាល] ជួយឲ្យ Leicester លើកពាន Premier League គាត់លេងតំបន់ហ្នឹងជួយឲ្យ Chelsea លើកពាន Premier League ហើយតំបន់ហ្នឹងគាត់ជួយបារាំងលើកពាន World Cup ដូច្នេះតំបន់ហ្នឹងគួរតែល្អគ្រប់គ្រាន់សម្រាប់គាត់ហើយ"។
លោកបន្តថា ការដាក់ឲ្យ Jorginho តែម្នាក់ជាតួសំខាន់ក្នុងការចែកបាល់លេងគឺជាគុណវិបត្តិនៅពេលគេចាប់ Jorginho ជាប់ប្រព័ន្ធ Chelsea ទាំងមូលត្រូវជាប់គាំង។ Manchester City, Bournemouth និង Manchester United សុទ្ធតែធ្លាប់ធ្វើបានដោយចាប់ខ្លេនេះជាប់៕