- 2018-11-20 03:29:09
- ប្រដាល់
កែវ រំចង់ បញ្ជាក់ហើយថាជុំដំបូងអត់ជួប Sensathan ទេ នៅកម្មវិធី Thai Fight
- 2018-11-20 03:29:09
- ចំនួនមតិ 0 | ចំនួនចែករំលែក 0
កែវ រំចង់ បញ្ជាក់ហើយថាជុំដំបូងអត់ជួប Sensathan ទេ នៅកម្មវិធី Thai Fight
ចន្លោះមិនឃើញ
ជើងខ្លាំងមកពីខេត្តបាត់ដំបង កែវ រំចង់ ថាជុំទី១ នៃកម្មវិធី Thai Fight នាប៉ុន្មានថ្ងៃខាងមុខទៀតនោះ គឺមិនប៉ះគ្នាជាមួយអ្នកប្រដាល់ថៃ Sensathan នោះទេ ប៉ុន្តែត្រូវជួបបរទេសវិញមិនទាន់ដឹងថាជនជាតិអ្វីឡើយ។
រំចង់ បានលើកឡើងតាមការ Live វីដេអូថា តាមដំណឹងនៃការប្រកួតក្នុងកម្មវិធីលំដាប់ប្រទេសថៃខាងលើនេះ ខ្លួននឹងជួបកីឡាករបរទេស ហើយនេះក៏វាដូចនិងបំណងរបស់ជើងខ្លាំងកម្ពុជាផងដែរ។ ព្រោះបើឈ្នះជុំទី១ទៅ អាចមានពេលច្រើនក្នុងការហាត់ត្រៀមខ្លួនប្រកួតជុំទី២ ឬប៉ះ Sensathan បើគេឈ្នះដែរ។
អ្នកប្រដាល់ដើមកំណើតមកពីបាត់ដំបងរូបនេះបន្ថែមថា ការប្រកួតនៅប្រទេសថៃលើកនេះ ខ្លួនសង្ឃឹមឈ្នះច្រើន ព្រោះអីបានហ្វឹកហាត់ដិតដល់ បើគិតទៅប្រហែល១ខែផងដែរ។ បច្ចុប្បន្ននេះទាំងទម្ងន់ និងការហូបចុកគឺប្រុងប្រយ័ត្នបានល្អណាស់ ពោលហូបតែបន្លែបំប៉នសុខភាពប៉ុណ្ណោះ មិនសូវហ៊ានញុំអ្វីផ្ដេសផ្ដាសឡើយខ្លាចឡើងគីឡូវិញ។
បញ្ជាក់ដែរថា កីឡាករ កែវ រំចង់ នឹងចូលរួមប្រកួតជម្រុះដើម្បីដណ្ដើមពានរង្វាន់ស្ដេចថៃ ក្នុងកម្មវិធី Thai Fight នាថ្ងៃទី២៤ ខែវិច្ឆិកា ២០១៨។ អ្នកលេងគុនខ្មែរខាងលើនេះនឹងចាកចេញពីកម្ពុជានាថ្ងៃទី២២ខាងមុខនេះហើយ៕