- 2018-10-03 03:27:49
- ប្រដាល់
រឿង សោភ័ណ្ឌ ពេជ្រ ម្ទេសខ្មាំង បង្ហាញខ្លួនលើកទី១ ម្ចាស់ WLC ពេញចិត្តខ្លាំង
- 2018-10-03 03:27:49
- ចំនួនមតិ 0 | ចំនួនចែករំលែក 0
រឿង សោភ័ណ្ឌ ពេជ្រ ម្ទេសខ្មាំង បង្ហាញខ្លួនលើកទី១ ម្ចាស់ WLC ពេញចិត្តខ្លាំង
ចន្លោះមិនឃើញ
បើទោះនេះជាលើកទី១សម្រាប់កីឡាករកម្ពុជា ពេជ្រ ម្ទេសខ្មាំង រឿង សោភ័ណ្ឌ ហើយមានលទ្ធផលចាញ់១ និងឈ្នះ១យ៉ាងណាក្ដី ប៉ុន្តែពេញចិត្តពេញថ្លើមម្ចាស់សង្វៀនលំដាប់អន្តរជាតិរបស់មីយ៉ាន់ម៉ា WLC នេះតែម្ដង។
ក្រោយការបញ្ចប់កម្មវិធីប្រកួតខាងលើនេះ គេឃើញមានអ្នកគាំទ្រជនជាតិមីយ៉ាន់ម៉ា មួយចំនួនពេញចិត្តការប្រកួតរបស់ ម្ទេសខ្មាំង និង សោភ័ណ្ឌ ជាខ្លាំងផងដែរ តាមរយៈការសុំថតរូបជាមួយ និងបានស្រែកថា «Idol» អីជាដើម។
ចំណែកម្ចាស់កម្មវិធី World Lethwei Championship(WLC) ក៏បានបង្ហាញពីការពេញចិត្ត និងគាំទ្រខ្លាំងផងដែរ ចំពោះកីឡាករកម្ពុជាទាំងពីររូបខាងលើនេះ និងថែមទាំងសរសើរថាពួកគេពិតជាមានទម្រង់វ៉ៃបានល្អណាស់។ បើទោះជា រឿង សោភ័ណ្ឌ មិនទទួលបានជ័យជម្នះក៏ដោយ ប៉ុន្តែលោកលើកមេដៃសរសើរថាវ៉ៃល្អខ្លាំង។ បន្ថែមពីនេះទៅទៀត លោកនឹងព្យាយាមរៀបចំឲ្យជើងខ្លាំងរូបនេះបានប្រកួតលើកក្រោយៗទៀត។
រំលឹកដែរថា ជាលើកទី១ហើយសម្រាប់កីឡាករ រឿង សោភ័ណ្ឌ និង ពេជ្រ ម្ទេតសខ្មាំង ដែលបានចូលរួមក្នុងកម្មវិធីប្រដាល់របស់មីយ៉ាន់ម៉ា World Lethwei Championship(WLC) កាលពីថ្ងៃទី២៩ ខែកញ្ញា ២០១៨ កន្លងទៅនេះ។ ខណៈកីឡាការិនី នៅ ស្រីពៅ ធ្លាប់ទទួលបានជ័យជម្នះ២លើកមកហើយកម្មវិធីមួយនេះពីមុនមក៕
