- 2018-07-04 11:17:51
- បាល់ទាត់
ព្រោះចង់ដឹកនាំអាហ្សង់ទីន Maradona ហ៊ានដល់និយាយពាក្យមួយឃ្លានេះ
- 2018-07-04 11:17:51
- ចំនួនមតិ 0 | ចំនួនចែករំលែក 0
ព្រោះចង់ដឹកនាំអាហ្សង់ទីន Maradona ហ៊ានដល់និយាយពាក្យមួយឃ្លានេះ
ចន្លោះមិនឃើញ
អតីតកីឡាករឆ្នើម Diego Maradona កាលពីពេលថ្មីៗនេះ បាននិយាយថា លោកសុខចិត្តដឹកនាំក្រុមជម្រើសជាតិអាហ្សង់ទីន ដោយមិនយកប្រាក់ឈ្នួលឡើយ។
កាលពីម្សិលមិញ នៅពេលសួរថា តើលោកព្រមដឹកនាំក្រុមជម្រើសជាតិអាមេរិកខាងត្បូងមួយនេះ ដោយមិនគិតប្រាក់កម្រៃឬទេ លោក Maradona បានថ្លែងប្រាប់សារព័ត៌មាន Telesur ថា៖ "ហ្នឹងហើយ! ខ្ញុំនឹងព្រមធ្វើដូច្នេះ។ ខ្ញុំនឹងដឹកនាំដោយមិនយកប្រាក់ឈ្នួលឡើយ"។
ការថ្លែងរបស់ Maradona ធ្វើឡើងប៉ុន្មានថ្ងៃក្រោយ ក្រុមជម្រើសជាតិអាហ្សង់ទីនត្រូវបានទម្លាក់ដោយក្រុមមាន់គកបារាំងនៅវគ្គ ១៦ ក្រុម World Cup ២០១៨ នេះ។
ក្នុង World Cup លើកនេះ អាហ្សង់ទីនត្រូវបានមជ្ឈដ្ឋានជាច្រើនមើលឃើញថា បានបង្ហាញទម្រង់លេងមិនសូវល្អឡើយ។ ក្រុមជម្រើសជាតិលេងបានត្រឹមស្មើ ១ ទល់នឹង ១ ជាមួយអ៊ីស្លង់ក្នុងប្រកួតទីមួយ ហើយបានចាញ់ដល់ទៅ ៣-០ ក្នុងប្រកួតបន្ទាប់ក្រោមថ្វីជើងក្រុមក្រូអាត ខណៈឈ្នះប្រផឹតប្រផើយលើនីហ្សេរីយ៉ាក្នុងប្រកួតទី ៣។ ក្នុងវគ្គ ១៦ ក្រុម បើទោះជាបាននាំមុខ ២-១ នៅដើមវគ្គទី ២ ក្រុមជម្រើសជាតិត្រូវបានបារាំងវាយបកបានភ្លាមៗ។ ចប់ការប្រកួត បារាំងឈ្នះអាហ្សង់ទីន ក្នុងលទ្ធផល ៤ ទល់នឹង ៣។
បែរទៅនិយាយពី Maradona វិញ លោកធ្លាប់ដឹកនាំអាហ្សង់ទីនពីឆ្នាំ ២០០៨ ដល់ ២០១០។ កាលពី World Cup ២០១០ នៅអាហ្វ្រិកខាងត្បូង អាហ្សង់ទីនបានឡើងដល់វគ្គ ៨ ក្រុម មុនចាញ់យ៉ាងដំណំ ៤-០ ក្រោមថ្វីជើងក្រុមជម្រើសជាតិអាល្លឺម៉ង់៕