- 2018-06-14 03:36:45
- ប្រដាល់
ធន់ មករា សរសើរសិស្សច្បង កាកា ខ្លាំងសមនឹងកេរ្តិ៍ឈ្មោះល្បីមែន
- 2018-06-14 03:36:45
- ចំនួនមតិ 0 | ចំនួនចែករំលែក 0
ធន់ មករា សរសើរសិស្សច្បង កាកា ខ្លាំងសមនឹងកេរ្តិ៍ឈ្មោះល្បីមែន
ចន្លោះមិនឃើញ
អ្នកប្រដាល់រលកក្រោយ ធន់ មករា សរសើរថា សិស្សច្បង កាកា ពិតជាខ្លាំង សមនិងកេរ្តិ៍ឈ្មោះល្បីរបស់គេមែន ទាំងស្នៀតប្រយុទ្ធ តិចនិកប្រកួត។
ធន់ មករា បានឲ្យដឹងថា តាមពិតទៅ កាកា ក៏ជា Idol របស់ខ្លួនផងដែរ ហើយពិតជាសប្បាយចិត្តដែរ ដែលបានប្រកួតជាជើងខ្លាំងខាងលើនេះ ព្រោះអីខ្លួនឯងជាអ្នកប្រដាល់រលកក្រោយដែលទើបចាប់អាជីពនេះ ប៉ុន្តែបានឱកាសប្រកួតជាមួយ។
ម្ចាស់ពានរង្វាន់ TV5 រូបនេះបន្ថែមថា តាមរយៈការប្រកួតកន្លងទៅនេះ រៀនចេះច្រើនពីសិស្សច្បង ពោលគឺតាំងអារម្មណ៍បានល្អ ខំប្រកួតបានពេញ៥ទឹក។ ចំណុចល្អរបស់ កាកា មួយទៀតនោះគឺ ពូកែពែជើងផ្ដួល ហើយការចាញ់នៅកីឡាជាតិលើកទី២នោះ ក៏ដោយសារពែជើងនេះដែរ។
ធន់ មករា ជាកូនសិស្សលោកគ្រូ ធន់ សុភា ហើយគេក៏ជាម្ចាស់មេដាយសំរឹទ្ធកីឡាជាតិលើកទី២ លើប្រភេទទម្ងន់ ៥៧គីឡូក្រាម ដែលកាលនោះអ្នកប្រដាល់រូបនេះប្រកួតតំណាងក្រសួងការពារជាតិ។ អ្នកលេងគុនខ្មែរខាងលើធ្លាប់ចាញ់ កាកា ដោយពិន្ទុនៅវគ្គពាក់កណ្ដាលផ្ដាច់ព្រ័ត្រកីឡាជាតិប៉ុន្មានថ្ងៃមុននេះ៕
