- 2018-05-31 03:46:21
- ប្រដាល់
ឈុត សេរីវណ្ណថង៖ បើបានវ៉ៃជាមួយ Idol កាកា មែន ពិតជាសប្បាយចិត្ត
- 2018-05-31 03:46:21
- ចំនួនមតិ 0 | ចំនួនចែករំលែក 0
ឈុត សេរីវណ្ណថង៖ បើបានវ៉ៃជាមួយ Idol កាកា មែន ពិតជាសប្បាយចិត្ត
ចន្លោះមិនឃើញ
ជើងខ្លាំងតំណាងមកពីខេត្តបាត់ដំបង ឈុត សេរីវណ្ណថង ថា ស្គាល់ច្បាស់ណាស់ សុខ ធី ព្រោះមើលស្ទើររាល់ការប្រកួតរបស់អ្នកប្រដាល់រូបនេះនាពេលកន្លងមក ហើយប្រសិនបានប៉ះគ្នាក្នុងកីឡាជាតិលើកទី២មែន រឹតតែសប្បាយចិត្ត។
ឈុត សេរីវណ្ណថង ប្រាប់ឲ្យដឹងថា សម្រាប់ការប្រកួតកីឡាជាតិលើកទី២នេះ គឺនៅពូលម្ចាស់ម្នាក់និងសិស្សច្បង សុខ ធី ហើយប្រសិនបើគេទាំងពីរឈ្នះការប្រកួតរហូតនោះ នឹងត្រូវប៉ះគ្នានាវគ្គផ្ដាច់យកមេដាយមាស។ អ្នកប្រដាល់មកពីខេត្តបាត់ដំបងខាងលើបន្ថែមថា ខ្លួនស្គាល់ច្បាស់ណាស់ ជើងខ្លាំង សុខ ធី ព្រោះតែងតែមើលការប្រកួតសិស្សច្បងម្នាក់នេះ។
អ្នកលេងគុនខ្មែរខាងលើបន្តថា ស្រឡាញ់ចូលចិត្ត សុខ ធី ត្រង់ស្នៀតវ៉ៃមួយៗធ្ងន់ និងក្បាច់ទាត់កាប់ជើងក្រោម ហើយវ៉ៃចេញក៏រហ័សទៀត។ ប្រសិនបើត្រូវជួបគ្នាមែននោះ ក៏មិនដឹងធ្វើយ៉ាងម៉េចដែរ ត្រូវតែវ៉ៃដើម្បីមុខមាត់កិត្តិយសជូនខេត្តរៀងៗខ្លួន។
ឈុត សេរីវណ្ណថង ជាកីឡាករតំណាងមកពីខេត្តបាត់ដំបង លើប្រភេទកីឡាគុនខ្មែរ ដែលត្រូវមកចូលរួមប្រកួតក្នុងព្រឹត្តិការណ៍កីឡាជាតិលើកទី២នេះ គេប្រកួតលើទម្ងន់ ៥៧គីឡូក្រាម ហើយម្សិលមិញនេះឈ្នះដោយស្វ័យប្រវត្តិដោយដៃគូអវត្តមាន៕
