- 2018-05-29 04:16:46
- ប្រដាល់
កក្រើកទៀតហើយ សុខ ធី អាចប៉ះ ឈុត សេរីវ៉ាន់ថន ក្នុងកីឡាជាតិលើកទី២
- 2018-05-29 04:16:46
- ចំនួនមតិ 0 | ចំនួនចែករំលែក 0
កក្រើកទៀតហើយ សុខ ធី អាចប៉ះ ឈុត សេរីវ៉ាន់ថន ក្នុងកីឡាជាតិលើកទី២
ចន្លោះមិនឃើញ
ការប្រកួតកីឡាជាតិលើកទី២ ប្រភេទកីឡាប្រដាល់សេរីរបស់កម្ពុជា នឹងចាប់ផ្ដើមពីថ្ងៃស្អែកនេះទៅហើយ។
ក្នុងនោះដែរ ប្រភេទទម្ងន់៥៧គីឡូក្រាម គេសង្កេតឃើញមានកីឡាករល្អៗច្រើនចូលរួមប្រកួត។ សុខ ធី អ្នកប្រដាល់ជើងថ្ម ក៏មានឈ្មោះចូលរួមដែរ ហើយរូបគេនៅប្រភេទទម្ងន់៥៧គីឡូក្រាមជាមួយ ឈុត សេរីវ៉ាន់ថន។ អ្នកប្រដាល់មកពីខេត្តជាប់ប្រទេសថៃ ទាំងពីរនាក់នេះ អាចនឹងប៉ះគ្នាប្រសិនបើពួកគេយកឈ្នះជាបន្ដបន្ទាប់បាន។
សុខ ធី ជាកីឡាករមានប្រវត្តិប្រកួតច្រើនជាង៣០០ដងទៅហើយ។ ដោយឡែករូបគេទើបតែបានខ្សែក្រវាត់១ថែមទៀត កាលពីពេលថ្មីៗនេះ។ ដោយឡែកសម្រាប់ ឈុត សេរីវ៉ាន់ថន វិញ ជាកីឡាករយុវជនម្នាក់ពោរពេញទៅដោយទឹកចិត្តប្រយុទ្ធ។ កីឡាករមកពីខេត្តបាត់ដំបងនេះ ត្រូវបានអ្នកគាំទ្រស្រលាញ់ខ្លាំង ដោយសារតែការវាយរបស់គេគ្រប់ប្រកួត សុទ្ធតែល្អមើលទាំងអស់។
ក្នុងកីឡាជាតិនេះដែរ ប្រភេទកីឡាប្រដាល់សេរី នឹងមាន៨ប្រភេទទម្ងន់ ដូចទៅនឹងការប្រកួតប្រដាល់សកលដែរ។ ការប្រកួតនឹងធ្វើឡើងចាប់ពីថ្ងៃស្អែកនេះតទៅ៕
