- 2018-05-16 01:35:56
- ប្រដាល់
យុគ យក្សផ្លែ មិនអាចបញ្ឈប់មហិច្ឆតាចង់បានពានរបស់ ធន់ មករា
- 2018-05-16 01:35:56
- ចំនួនមតិ 0 | ចំនួនចែករំលែក 0
យុគ យក្សផ្លែ មិនអាចបញ្ឈប់មហិច្ឆតាចង់បានពានរបស់ ធន់ មករា
ចន្លោះមិនឃើញ
អ្នកប្រដាល់ជើងខ្លាំងទម្ងន់ស្រាល យុគ យក្សផ្លែ នៅតែមិនអាចយកឈ្នះ ហើយនិងបញ្ឍប់មហិច្ឆតាចង់បានពានរង្វាន់របស់កីឡាករវ័យក្មេង ធន់ មករា បានទេកាលពីល្ងាចថ្ងៃសៅរ៍ ទី១២ ខែកុម្ភៈ ឆ្នាំ២០១៨ កន្លងទៅនេះ។
ធន់ មករា បានឲ្យដឹងថា សម្រាប់វគ្គពាក់កណ្ដាលផ្ដាច់ព្រ័ត្រជួបជាមួយសិស្សច្បងដែលចាស់វស្សាខាងលើនេះ ពិបាកខ្លាំងទម្រាំអាចយកឈ្នះបាន ព្រោះបទពិសោធទាំងកម្លាំង ស្នៀតប្រយុទ្ធសុទ្ធតែល្អ ពិសេសនោះគឺរហ័ស។ ក្រៅពីនេះដៃគូនេះ គឺពូកែវ៉ៃយកពិន្ទុទៀតផង ដូច្នេះការប្រកួតកាលពីថ្ងៃសៅរ៍មុននេះ រូបគេមានការប្រុងប្រយ័ត្នខ្លាំង។
កូនសិស្សលោកគ្រូ ធន់ សុភា ម្នាក់នេះបន្ថែមទៀតថា ដោយសារខ្លួនដឹងច្បាស់ពីក្បាច់របស់សិស្សច្បង យក្សផ្លែ ទើបខ្លួនមិនដើរចូលទៅវ៉ៃមុននោះទេ ពោលនៅឈរចាំមើលស្នៀតដែលដៃគូវ៉ៃចេញ រួចព្យាយាមវ៉ៃចេញឲ្យបានមុន។ ការវ៉ៃចេញទៀតសោត គឺត្រូវតែធ្ងន់ៗ ទើបអាចឈ្នះដូចនេះ។ តាមរយៈជ័យជម្នះនេះដែរ ខ្លួនក៏មោទនភាពដែលបានឈ្នះជើងខ្លាំង ហើយក៏មិនភ្លេចអរគុណដល់គ្រូរបស់ខ្លួន ធន់ សុភា ផងដែរ ដែលបានជួយបង្ហាត់បង្រៀនឲ្យបានប្រកួតល្អដូចពេលនេះ។
រំលឹកដែរថា ការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ TV5 កាលពីថ្ងៃសៅរ៍ ទី១២ ខែឧសភា ឆ្នាំ២០១៨ កន្លងទៅនេះ គឺ ធន់ មករា ឈ្នះ ពិន្ទុ យុគ យក្សផ្លែ ស្របពេល លន់ បញ្ញា ក៏ឈ្នះពិន្ទុ សង គង់ ដូចគ្នា។ កីឡាករ ធន់ មករា នឹងត្រូវប៉ះជាមួយ លន បញ្ញា នៅវគ្គផ្ដាច់ព្រ័ត្រនៅប៉ុន្មានសប្ដាហ៍ខាងនេះនាសង្វៀនប៉ុស្តិ៍លេខ៥៕
