- 2016-09-15 16:23:31
- បាល់ទាត់
ក្រុមកម្ពុជាហាត់មិនទាន់ជុំគ្នា មុនពេលហោះទៅបំប៉នសមត្ថភាពនៅសិង្ហបុរី
- 2016-09-15 16:23:31
- ចំនួនមតិ 0 | ចំនួនចែករំលែក 0
ក្រុមកម្ពុជាហាត់មិនទាន់ជុំគ្នា មុនពេលហោះទៅបំប៉នសមត្ថភាពនៅសិង្ហបុរី
ចន្លោះមិនឃើញ
បន្ទាប់ពីរំសាយក្រោយការប្រកួតមិត្តភាពអន្តរជាតិនៅទឹកដីហុងកុងកាលពីថ្ងៃទី១ ខែកញ្ញា កន្លងទៅនេះ ក្រុមបាល់ទាត់ជម្រើសជាតិកម្ពុជាត្រូវបានចេញបញ្ជីឈ្មោះថ្មីកាលពីថ្ងៃទី៩ ខែកញ្ញា ហើយបានចាប់ផ្តើមប្រមូលប្តុំហ្វឹកហាត់នៅពហុកីឡដ្ឋានជាតិពីរបីថ្ងៃហើយ បន្ទាប់ពីលីគបាល់ទាត់កំពូលកម្ពុជាបានបញ្ចប់។ ទោះជាយ៉ាងណា ការហ្វឹកហាត់រយៈពេលប៉ុន្មានថ្ងៃកន្លងទៅនេះ កីឡាករទាំងអស់មិនទាន់បានចូលហ្វឹកហាត់ជុំគ្នាអស់នៅឡើយទេ ដោយសារកីឡាករមួយចំនួនជាប់សម្រាកលំហែកាយ។
ក្រុមជម្រើសជាតិកម្ពុជា នឹងចេញដំណើរពីប្រទេសកម្ពុជាវេលាម៉ោង៩:០០នាទីព្រឹកថ្ងៃទី២១ ខែកញ្ញា ឆ្នាំ២០១៦ ដើម្បីទៅហ្វឹកហាត់នៅប្រទេសសិង្ហបុរីរយៈពេល១០ថ្ងៃ សម្រាប់ត្រៀមប្រកួតជម្រុះពានរង្វាន់ AFF Suzuki Cup 2016 ដែលកម្ពុជាធ្វើជាម្ចាស់ផ្ទះពីថ្ងៃទី១៥ ដល់២១ ខែតុលា ឆ្នាំ២០១៦នេះ។ ប្រសិនបើកម្ពុជាទទួលបានជ័យជម្នះក្នុងវគ្គជម្រុះនេះ នោះកម្ពុជានឹងមានសិទ្ធិឡើងទៅលេងវគ្គចែកពូល ដោយស្ថិតក្នុងពូល B ជាមួយក្រុមមីយ៉ាន់ម៉ា ម៉ាឡេស៊ី និងវៀតណាម៕
ខាងក្រោមជាទិដ្ឋភាពហ្វឹកហាត់របស់ក្រុមជម្រើសជាតិកម្ពុជា៖
អត្ថបទ៖ ស្រី សុវណ្ណដារ៉ា
