- 2020-02-27 04:58:04
- ប្រដាល់
CNC ប្រកាសកម្មវិធីប្រដាល់ថ្មី«គុនខ្មែរអធិរាជកម្លាំងរេដអាន»ផ្ដល់ឱកាសកីឡាករលេងខ្សែក្រវាត់
- 2020-02-27 04:58:04
- ចំនួនមតិ 0 | ចំនួនចែករំលែក 0
CNC ប្រកាសកម្មវិធីប្រដាល់ថ្មី«គុនខ្មែរអធិរាជកម្លាំងរេដអាន»ផ្ដល់ឱកាសកីឡាករលេងខ្សែក្រវាត់
ចន្លោះមិនឃើញ
ស្ថានីយទូរទស្សន៍ CNC ប្រកាសបើកកម្មវិធីប្រដាល់ថ្មីមួយទៀតហើយ «គុនខ្មែរអធិរាជកម្លាំងរេដអាន» និងដាក់ឲ្យមានប្រកួតដណ្ដើមខ្សែក្រវាត់ទម្ងន់ ៦៣,៥ ទៀតផងនៅ ខែមីនា ឆ្នាំ២០២០ ។
លោក ហួរ រតនៈ តំណាងទូរទស្សន៍ CNC បានឲ្យដឹងថា នេះគឺជាកម្មវិធីប្រកួតថ្មីមួយទៀតសម្រាប់ឆ្នាំ ២០២០ នេះ ដែលខាងស្ថានីយទូរទស្សន៍របស់លោក និង រេដអាន ក្រោមការជួយជ្រោមជ្រែងដោយសហព័ន្ធកីឡាប្រដាល់គុនខ្មែរបានបង្កើតឲ្យមាន។ កម្មវិធីប្រកួតនេះដែលគឺមានទាំងគូមិត្តភាពអន្តរជាតិរៀងរាល់សប្ដាហ៍ និងការប្រជែងដណ្ដើមខ្សែក្រវាត់ រេដអាន ផងដែរ ។ ជាការពិតណាស់ CNC កំពុងតែជួយគ្នាទៅវិញទៅមកលើទិសដៅលើកស្ទួយក៏ដូចជាអភិវឌ្ឍន៍វិស័យកីឡាប្រដាល់គុនខ្មែរ អោយកាន់តែមានរីកចម្រើនក៏ដូចជាពង្រីកមុខមាត់ថែមទៀតលើឆាកអន្តរជាតិ។ ជាមួយគ្នានោះដែរខាងស្ថានីយក៏បានរួមចំណែកលើកស្ទួយជីវភាពកីឡាករប្រដាល់គុនខ្មែរអោយបានកាន់តែរីកចម្រើនថែមទៀតផង។
សម្រាប់បេក្ខភាពលេងខ្សែក្រវាត់នេះគឺមានខ្មែរ៤រូប និងថៃចំនួន៤រូបដែលចែកជាពីរពូល A-B
កីឡាករខ្មែរទាំង៤នាក់នោះរួមមាន៖
ទី១ ពុយ វណ្ណៈ
ទី២ ឌុម កែវដា
ទី៣ ឡុង សំណាង
ទី៤ សួន ចាន់នី
កម្មវិធីប្រកួត «គុនខ្មែរអធិរាជកម្លាំងរេដអាន» របស់សង្វៀន CNC នេះធ្វើឡើងរៀងរាល់ព្រឹកថ្ងៃអាទិត្យ ចាប់ពីម៉ោង ៨ព្រឹកតទៅ។ ចំពោះប្រកួតសន្សំពិន្ទុខ្សែក្រវាត់ដំបូងវិញនឹងចាប់ផ្ដើមនៅថ្ងៃទី១៥ ខែមីនា ២០២០ ។ កីឡាករដែលជាប់លេខ១ បានខ្សែក្រវាត់១ ពានរង្វាន់១ អមដោយទឹកប្រាក់ ៥០០០ដុល្លារ លេខ២ បានពានរង្វាន់១ អមដោយទឹកប្រាក់ ៣០០០ដុល្លារ លេខ៣ ពានរង្វាន់១ អមដោយទឹកប្រាក់ ១៥០០ដុល្លារ លេខ៤ ពានរង្វាន់១ អមដោយទឹកប្រាក់ ១០០០ដុល្លារ ៕