- 2020-01-17 07:12:19
- ប្រដាល់
លី រិទ្ធី ដើរក្នុងវិស័យប្រដាល់មកដល់ពេលនេះ គឺបានការផ្ដល់ដំបូន្មានច្រើនពីម្ចាស់ក្លឹប Mr Ly
- 2020-01-17 07:12:19
- ចំនួនមតិ 0 | ចំនួនចែករំលែក 0
លី រិទ្ធី ដើរក្នុងវិស័យប្រដាល់មកដល់ពេលនេះ គឺបានការផ្ដល់ដំបូន្មានច្រើនពីម្ចាស់ក្លឹប Mr Ly
ចន្លោះមិនឃើញ
អ្នកលេងគុនខ្មែរមកពីខេត្តសៀមរាប លី រិទ្ធី ថាការឈានជើងប្រឡូកក្នុងវិស័យប្រដាល់មកដល់ពេលនេះ គឺមានការផ្ដល់ដំបូន្មានលើកទឹកចិត្តច្រើនណាស់ពីម្ចាស់ក្លឹបប្រដាល់របស់ខ្លួន Mr Ly។
លី រិទ្ធី ប្រាប់ឲ្យដឹងថា បើទោះជាការប្រកួតរបស់ខ្លួនមិនសូវបានល្អផលល្អក្ដី ប៉ុន្តែខ្លួនមិនដែលបាក់ទឹកចិត្ត ឬមានគំនិតបោះបង់នោះឡើយ ពោលគឺមានតែការខំប្រឹងប្រែងព្យាយាមតទៅមុខទៀតប៉ុណ្ណោះ។
កត្តាដែលជំរុញឲ្យអ្នកប្រដាល់ដើមកំណើតសៀមរាបខាងលើនេះមានទឹកចិត្តមោះមុតនោះគឺម្ចាស់ក្លឹប Mr Ly តែម្ដង ដែលតែងតែពន្យល់ពីប្រយោជន៍នៃការខំប្រឹង ប្រាប់ឲ្យតស៊ូដើម្បីឈានទៅរកភាពជោគជ័យ និងធ្វើយ៉ាងណាក្នុងការអភិវឌ្ឍន៍ពីមួយកម្រិតទៅមួយ។ ក្រៅពីនេះក៏ជួយផ្ដល់ឱកាសបានបង្ហាត់សិស្សសុខភាពទទួលបានប្រាក់កម្រៃបន្ថែមទៀតផង។
រំលឹកដែរថា កីឡាករ លី រិទ្ធី ជាអ្នកប្រដាល់ប្រចាំក្លឹប Mr Ly នៅឯខេត្តសៀមរាប។ បច្ចុប្បន្នអ្នកប្រដាល់រូបនេះទើបចូលប្រឡូកក្នុងវិស័យប្រដាល់នោះទេ ប៉ុន្តែក៏មានទីផ្សារប្រកួតបរទេសជាបណ្ដើរៗផងដែរ៕
