- 2019-12-16 07:50:57
- បាល់ទាត់
ការប្រកួតពានរង្វាន់បុគ្គលិក វេសឡាញ រកឃើញក្រុមជើងឯកហើយ
- 2019-12-16 07:50:57
- ចំនួនមតិ 0 | ចំនួនចែករំលែក 0
ការប្រកួតពានរង្វាន់បុគ្គលិក វេសឡាញ រកឃើញក្រុមជើងឯកហើយ
ចន្លោះមិនឃើញ
ការប្រកួតពានរង្វាន់បុគ្គលិក វេសឡាញ ឆ្នាំ២០១៩ បានបិទបញ្ចប់ហើយកាលពីម្សិលមិញនេះ ក្រោយពីចំណាយពេលជិត៤ខែមកនេះ។
ការប្រកួតពានរង្វាន់បុគ្គលិករបស់សាលាខាងលើនេះ មានក្រុមចូលរួម១១ក្រុម កីឡាករសរុប១៤៧នាក់ មកពីបណ្ដាសាខាទាំងអស់របស់សាលាវេសឡាញ។ ក្នុងឱកាសប្រគល់ពាននេះដែរ លោក តែ ឡាយ ប្រធាននាយកអប់រំ និងធនធានមនុស្សនៃសាលា វេសឡាញ បាននិយាយថាសាលាវេសឡាញបានបង្កើតពានរង្វាន់នេះឡើងដើម្បីពង្រឹង កាយសម្បទា ឱ្យស្វាហាប់ និងមានសុខភាពល្អ។
លើសពីនេះទៅទៀត មិនមែនមានតែការប្រកួតកីឡាបាល់ទាត់នោះទេ សាលាខាងលើនេះក៏មានក្រុមចូលរួមហ្វឹកហាត់និងប្រកួតកីឡាផ្សេងៗទៀតដែរដូចជា វាយកូនបាល់ វាយកូនឃ្លីលើតុ កីឡា Yoga វាយសី ហែលទឹកនិងតេក្វាន់ដូរជាដើម។ ការប្រកួតតែងតែមានជារៀងរាល់សប្ដាហ៍ ហើយអនាគតអាចនឹងបង្កើតជាការប្រកួតដណ្ដើមពានតាមប្រភេទកីឡានានាផងដែរ។
និយាយពីការប្រកួតពានរង្វាន់បាល់ទាត់បុគ្គលិកខាងលើវិញ ក្រុមចំណាត់ថ្នាក់លេខ១បានទៅលើក្រុមសាខាទួលស្វាយព្រៃ ចំណាត់ថ្នាក់លេខ២បានទៅលើក្រុមសាខាទួលទំពូង លេខ៣បានទៅលើក្រុមសាខាច្បារអំពៅ និងលេខ៤បានទៅលើក្រុមសាខាព្រែកលៀប៕