- 2019-10-30 06:56:35
- ប្រដាល់
ព្រឿង សុជាតិ បើដូរដៃជាមួយ លាប រដ្ឋា ប្រហែលចាញ់បាត់ហើយ
- 2019-10-30 06:56:35
- ចំនួនមតិ 0 | ចំនួនចែករំលែក 0
ព្រឿង សុជាតិ បើដូរដៃជាមួយ លាប រដ្ឋា ប្រហែលចាញ់បាត់ហើយ
ចន្លោះមិនឃើញ
អ្នកប្រដាល់មកពីក្រសួងការពារជាតិ ព្រឿង សុជាតិ ថាសប្បាយចិត្តខ្លាំងដែលឈ្នះ លាប រដ្ឋា បានឡើងទៅវគ្គកណ្ដាលផ្ដាច់ព្រ័ត្រពានរង្វាន់ TV5 លើប្រភេទទម្ងន់ ៦០គីឡូក្រាម កាលពីថ្ងៃសៅរ៍។
សុជាតិ បានឲ្យដឹងថា សម្រាប់ការប្រកួតជាមួយកីឡាករ លាប រដ្ឋា គឺលំបាកខ្លះៗដែរ ដោយសារតែដៃគូជាអ្នកខ្លាំង និងល្អកណ្ដាប់ដៃមួយរូប។ នៅក្នុងទឹកទី២ កូនសិស្សលោក ធន់ សុភា ខាងលើនេះដោយហេតុចង់ឈ្នះខ្លាំងពេកក៏ចូលប្ដូរគ្នាជាមួយ រដ្ឋា ប៉ុន្តែជាលទ្ធផលមិនសូវជាល្អឡើយ ពោលគេចេញលឿនជាងល្អជាង។
អ្នកប្រដាល់មកពីខេត្តត្បូងឃ្មុំរូបនេះបន្ថែមទៀតថា ចូលទឹកទី៣ ក៏ប្ដូរយុទ្ធសាស្ត្រថ្មី គឺថយធាក់ ថយទាត់យកពិន្ទុវិញមិនបន្តបន្តប្ដូរដៃនោះទេ ព្រោះគិតថាបើវ៉ៃបែបនេះអាចនឹងចាញ់ពិន្ទុដៃគូ ឬអាចភ្លាត់ស្នៀតសន្លប់ក៏ថាបាន។ ចំពោះការហ្វឹកហាត់វិញ អ្នកលេងគុនខ្មែររូបនេះលើកឡើងថា គឺបានហ្វឹកហាត់ពេញល្អ ជាពិសេសហាត់ស្នៀតទាត់នេះតែម្ដង ដោយសារត្រៀមទប់ទល់និងកណ្ដាប់ដៃ។
រំលឹកដែរថា កីឡាករ ព្រឿង សុជាតិ បានយកឈ្នះពិន្ទុលើកីឡាករ លាប រដ្ឋា ប្រផឹតប្រផើយប៉ុណ្ណោះកាលពីវគ្គជម្រុះជុំទី៣នៃពានរង្វាន់ TV5 កាលពីថ្ងៃសៅរ៍សប្ដាហ៍មុននេះ។ ព្រឿង សុជាតិ បានឡើងទៅវគ្គពាក់កណ្ដាលផ្ដាច់ព្រ័ត្រហើយ ដោយត្រូវប៉ះគ្នាជាមួយ សូត្រ ខេវិន នៃកម្មវិធីពានរង្វាន់ខាងលើ៕