/5da5a5d352b3f_1571136960_medium.jpg)
- 2019-10-15 11:00:22
- បាល់ទាត់
នាយករដ្ឋមន្ត្រីប៊ុលហ្គារី ទាមទារឲ្យមេសហព័ន្ធបាល់ទាត់ធ្វើរឿងនេះ ក្រោយប្រកួតចាញ់អង់គ្លេស ៦-០
- 2019-10-15 11:00:22
- ចំនួនមតិ 0 | ចំនួនចែករំលែក 0
នាយករដ្ឋមន្ត្រីប៊ុលហ្គារី ទាមទារឲ្យមេសហព័ន្ធបាល់ទាត់ធ្វើរឿងនេះ ក្រោយប្រកួតចាញ់អង់គ្លេស ៦-០
ចន្លោះមិនឃើញ
លោកនាយករដ្ឋមន្ត្រីប៊ុលហ្គារី Bokyo Borisov បានទាមទារឲ្យប្រធានសហព័ន្ធបាល់ទាត់នៃប្រទេសនេះ ចុះចេញពីតំណែង បន្ទាប់ពីមានបាតុភាព (រឿងអវិជ្ជមាន) ផ្សេងៗ ក្នុងប្រកួតប៉ះនឹងក្រុមជម្រើសជាតិអង់គ្លេស។
លោកនាយករដ្ឋមន្ត្រីបានព្រមានថា រដ្ឋាភិបាលលោកនឹងបញ្ឈប់ទំនាក់ទំនងទាំងអស់ជាមួយសហព័ន្ធបាល់ទាត់ ព្រមទាំងបដិសេធរាល់ការផ្ដល់ថវិកាក្នុងការផ្គត់ផ្គង់ស្ថាប័នបាល់ទាត់នៃប្រទេសនេះទៀតផង។
ការទាមទារនេះធ្វើឡើងក្រោយពេលដែលមានមន្ត្រីៗបាល់ទាត់របស់ប៊ុលហ្គារី ចេញមុខបដិសេធនូវការស្រែករើសអើងពូជសាសន៍ទៅលើកីឡាករមួយចំនួនរបស់ក្រុមអង់គ្លេស។
កាលពីយប់មិញនេះ ក្រុមអង់គ្លេសបានយកឈ្នះ ៦-០ លើក្រុមប៊ុលហ្គារី ប៉ុន្តែខាងភាគីម្ចាស់ផ្ទះហាក់ដូចជាមិនបានធ្វើឲ្យបរិយាកាសប្រកួតប្រកបដោយរលូនឡើយ។ អ្នកគាំទ្រប៊ុលហ្គារីបានស្រែកធ្វើសំឡេងស្វា (បែបរើសអើងពូជសាសន៍) ដែលបណ្ដាលឲ្យការប្រកួតបានផ្អាកចំនួន ២លើក។
ទាក់ទិននឹងរឿងនេះដែរ UEFA កំពុងតែប្រមែប្រមូលភស្តុតាងដើម្បីស៊ើបអង្កេតលើរឿងនេះ៕
