/5da3fccba010b_1571028120_medium.jpg)
- 2019-10-14 06:42:09
- ប្រដាល់
Aung La N Sang នៅតែខ្លាំង ឯរថថាំង ការពារខ្សែក្រវាត់លើកនេះចត់បាយ
- 2019-10-14 06:42:09
- ចំនួនមតិ 0 | ចំនួនចែករំលែក 0
Aung La N Sang នៅតែខ្លាំង ឯរថថាំង ការពារខ្សែក្រវាត់លើកនេះចត់បាយ
ចន្លោះមិនឃើញ
វីរបុរសរបស់មីយ៉ាន់ម៉ា Aung La N Sangនៅតែធ្វើបានល្អការពារខ្សែក្រវាត់ ONE Light Heavyweight របស់ខ្លួនបានសម្រេចក្រោយផ្ដួលជើងខ្លាំងហ្វីលីពីន Brandon Vera ឲ្យបោះបង់ការប្រកួតក្នុងទឹកទីពីរ។
ស្ថាប័ន ONE បានរៀបចំព្រឹត្តិការណ៍ប្រកួតលើកទី១០០របស់ខ្លួនយ៉ាងធំសម្បើមនៅប្រទេសជប៉ុនកាលពីម្សិលមិញ។ គូឯកដែលមានការចាប់អារម្មណ៍ខ្លាំងជាងគេគឺ Aung La N Sang ជួប Brandon Vera។ ក្នុងការប្រកួតអ្នកទាំងពីរព្យាយាមឈរវាយគ្នាល្អមើលមែនទែន។ យ៉ាងណា Brandon អាចទប់កណ្ដាប់ដៃរបស់ Aung La បានត្រឹមទឹកពីរប៉ុណ្ណោះ។
ចំណែកមួយគូទៀតដែលជាការប្រកួតជក់ចិត្តដែលនោះគឺកីឡាករថៃ រថថាំង ត្រូវការពារខ្សែក្រវាត់របស់ខ្លួនជាមួយកីឡាករប្រេស៊ីល Walter Goncalves។ លើកនេះរថថាំង ពិតជាពិបាកប្រកួតមែនទែន ព្រោះ Walter ជាអ្នកប្រដាល់ដៃ ជើងរហ័សនិងវ័យឆ្លាត។ អ្នកទាំងពីរបានតស៊ូគ្នា៥ទឹកពេញ ចុងក្រោយអាជ្ញាកណ្ដាលបានកាត់សេចក្ដីឲ្យរថថាំង ឈ្នះពិន្ទុដោយមិនឯកច្ឆន្ទ។
ការប្រកួត Kickboxing ដណ្ដើមប្រាក់១លានដុល្លារ អ្នកប្រដាល់អ៊ីតាលី Giorgio Petrosyan បានយកឈ្នះកីឡាករបារាំង Samy Sana ដោយពិន្ទុ៕
