- 2019-08-08 15:03:59
- ប្រដាល់
មកវៃនៅខ្មែរអត់ច្បាប់ និងសន្លប់ផុយៗ៤ដង កីឡាករថៃម្នាក់នេះ ត្រូវគេព្យួរហើយ
- 2019-08-08 15:03:59
- ចំនួនមតិ 0 | ចំនួនចែករំលែក 0
មកវៃនៅខ្មែរអត់ច្បាប់ និងសន្លប់ផុយៗ៤ដង កីឡាករថៃម្នាក់នេះ ត្រូវគេព្យួរហើយ
ចន្លោះមិនឃើញ
ក្លឹបប្រដាល់ថៃ Yokkao ព្យួរការប្រកួត Manachai បាត់ហើយ ដែលកីឡាករថៃម្នាក់នេះមក លួចវៃនៅស្រុកខ្មែរអត់សុំក្លឹប ហើយគេតាមដានឃើញថាសន្លប់ផុយៗ៤ដងជាប់គ្នា។
Manachai នេះ បើបងប្អូនជាអ្នកតាមដានប្រដាល់អន្តរជាតិប្រហែលស្គាល់ច្បាស់ថាជាជើងខ្លាំងម្នាក់របស់ថៃ ដែលធ្លាប់ឈ្នះខ្សែក្រវាត់ច្រើន។ ជាក់ស្ដែង រូបគេមួយរយៈចុងក្រោយនេះធ្លាក់កូដខ្លាំងមែនទែន ដោយចាញ់៤ដងជាប់គ្នា បើគិតទាំងការប្រកួតជាមួយកីឡាករកម្ពុជា ម៉ឺន សុភា ទៀត។
ការមកប្រកួតនៅកម្ពុជាត្រូវបានក្លឹប YOKKAO រកឃើញថាលួចមកទាំងខ្លួននៅជាប់កិច្ចសន្យានៅក្លឹបនេះ ដែលទង្វើនេះហាក់មិនផ្ដល់តម្លៃដល់កីឡាប្រដាល់ថៃឡើយ។ ដូច្នេះក្លឹបបានព្យួរការប្រកួតរបស់គេ ដើម្បីឱ្យកីឡាករគិតឡើងវិញ និងយល់ពីតម្លៃនៃកីឡា។ ក្លឹបក៏កំពុងដាក់ការសង្ស័យចំពោះការប្រកួតកន្លងមករបស់គេ ដែលសន្លប់ផុយៗពេកនេះផងដែរ៕
