- 2019-08-02 07:18:04
- ប្រដាល់
ជឿអត់ កីឡាករអង់គ្លេសនេះ អាចបំបាក់ជើងខ្លាំងថៃ ដែលទើបស៊ី សុខ ធី បាន?
- 2019-08-02 07:18:04
- ចំនួនមតិ 0 | ចំនួនចែករំលែក 0
ជឿអត់ កីឡាករអង់គ្លេសនេះ អាចបំបាក់ជើងខ្លាំងថៃ ដែលទើបស៊ី សុខ ធី បាន?
ចន្លោះមិនឃើញ
កីឡាករ Jonathan Haggerty នឹងត្រូវប្រកួតការពារខ្សែក្រវា់ត់ ONE របស់ខ្លួននៅយប់នេះហើយ ដោយប៉ះជាមួយជើងខ្លាំងថៃ Rodtang Jitmuangnon។
មុនការប្រកួតនេះចាប់ផ្ដើម Jonathan កំពូលអ្នកលេងកែង វាយមិនដកដៃ បាននិយាយថា៖ “ខ្ញុំវៃជាមួយ Rodtang ដែលជាកីឡាករថៃវាយបុកខ្លាំង។ ខ្ញុំបានហ្វឹកហាត់ទ្វេដងសម្រាប់ការប្រកួតនេះ ខ្ញុំដឹង ខ្ញុំមានគម្រោងរួចជាស្រេចដើម្បីប្រកួតនេះ ដូចដែលខ្ញុំធ្លាប់ធ្វើកាលប៉ះ Sam-A ដែរ។ ខ្ញុំមកទីនេះ ដើម្បីបន្ដជាម្ចាស់ខ្សែក្រវាត់ទៀត”។
ដោយឡែកបើមើលទៅខាង Rodtang វិញ ក៏មានភាពជឿជាក់ថានឹងការដណ្ដើមខ្សែក្រវាត់បានដែរ។ កីឡាករថៃវ័យ២១ឆ្នាំថាយកខ្សែក្រវាត់នៅ ONE នេះ គឺជាក្ដីស្រមៃរបស់ខ្លួន ហើយនឹងប្រឹងប្រែងឱ្យអស់ពីសមត្ថភាពសម្រាប់ការប្រកួតធំនេះ។ កីឡាករកើតចេញពីគ្រួសារមានជីវភាពលំបាកខ្លាំងនេះ សរសើរដៃគូរបស់ខ្លួនថាពិតជាមានស្នៀតប្រយុទ្ធល្អ ប៉ុន្តែរូបគេក៏ចាប់បានចំណុចខ្សោយរួចហើយដែរ ដើម្បីប្រកួតនៅយប់នេះ។
គូនេះនឹងក្លាយជាគូជក់ចិត្តបំផុតសម្រាប់អ្នកទស្សនា ដោយសារតែ Rodtang ផ្ដួលដៃគូដោយប្រើក្បួនវាយបុកមិនសម្រាកឡើយ ហើយប្រកួតចុងក្រោយទើបហូបកីឡាករកម្ពុជា សុខ ធី ដោយទាត់ឱ្យខូចជើងនៅទឹក២ថែមទៀត។ ស្របពេលខាង Jonathan វិញ រូបគេយកឈ្នះ Legend របស់ថៃ Sam-A ដោយវាយឱ្យរាប់ និងឈាមជោគខ្លួនតែម្ដង ដោយសារតែកែងដ៏មុតស្រួចរបស់គេ៕