• 2019-08-01 08:50:07
  • ប្រដាល់

ថៃ​នឹង​កើន​ម្ចាស់​ជើង​ឯក​នៅ​សង្វៀន ONE ប្រសិន​បើ Rodtang ឈ្នះ Johathan

  • 2019-08-01 08:50:07
  • ចំនួនមតិ 0 | ចំនួនចែករំលែក 0

ចន្លោះមិនឃើញ

Rodtang Jitmuangnon ត្រូវ​ចូល​ខ្លួន​មក​ដណ្ដើម​ខ្សែ​ក្រវាត់​ទម្ងន់​ស្រាល Flyweight Muay Thai របស់​សង្វៀន ONE Championship ពី​កីឡាករ​អង់គ្លេស Jonathan Haggerty។

ការ​ប្រកួត​រវាង​អ្នក​ទាំង​ពីរ​នឹង​​កើត​ឡើង​នៅ​ថ្ងៃ​ស្អែក នា​ទីក្រុង​ម៉ានីល​ប្រទេស​ហ្វីលីពីន។ Jonathan បាន​គ្រង​ខ្សែ​ក្រវាត់​នេះ បន្ទាប់​យក​ឈ្នះ​ជើង​ខ្លាំង​ថៃ Sam-A Gaiyanghadao នៅ​ប្រទេស​ឥណ្ឌូណេស៊ី។ ចំពោះ​ Rodtang មុន​នឹង​មាន​ឱកាស​មក​ដណ្ដើម​ខ្សែ​ក្រវាត់​នេះ គេ​ធ្វើ​បាន​កំណត់ត្រា​ល្អ​នៅ​ ONE ពោល​ឈ្នះ​៤​ប្រកួត​ជាប់​គ្នា ដោយ​ចុងក្រោយ​ឈ្នះ​សុខ ធី​នៅ​ទឹក​២។

ពិត​ណាស់​នេះ​ជា​ពេលវេលា​​សម្រាប់​កីឡាករ​ថៃ​​បន្ត​ឡើង​ទៅ​គ្រង​ខ្សែក្រវាត់​នៅ​សង្វៀន ONE។ បច្ចុប្បន្ន​​ក្នុង​ស្ថាប័ន ONE មាន​កីឡាករ​ថៃ​៣​រូប​កំពុង​គ្រង​ខ្សែក្រវាត់​ក្នុង​នោះ​មាន៖

  • កីឡា​ការិនី Stamp Fairtex គ្រង​ខ្សែ​ក្រវាត់​២​ប្រភេទ​កីឡា​គឺ Muay Thai និង Kickboxing ទម្ងន់ Atomweight
  • កីឡាករ Petchdam Petchyindee Academy គ្រង​ខ្សែក្រវាត់ Kickboxing ទម្ងន់ Flyweight
  • កីឡាករ Nong-O Gaiyanghadaoគ្រង​ខ្សែក្រវាត់ Muay Thaiទម្ងន់ Bantamweight

ដូច្នេះ​ប្រសិន​បើ Rodtang ឈ្នះ Jonathan ថៃ​នឹង​មាន​កីឡាករ​៤​រូប​កាន់​ខ្សែ​ក្រវាត់​នៅ​សង្វៀន ONE Championship៕​​

Petchdam Petchyindee Academy កាល​ឈ្នះ​ខ្សែ​ក្រវាត់

អត្ថបទ៖ ហេង សុធារិទ្ធិ

មតិយោបល់
អត្ថបទពេញនិយម