/5d35b5bfee2b9_1563801000_medium.jpg)
- 2019-07-22 13:15:26
- បាល់ទាត់
គ្រូបង្វឹកក្លឹបនៅទ្វីបអឺរ៉ុបមួយ បានដួលសន្លប់កំឡុងពេលឈរបញ្ជាកូនក្រុម
- 2019-07-22 13:15:26
- ចំនួនមតិ 0 | ចំនួនចែករំលែក 0
គ្រូបង្វឹកក្លឹបនៅទ្វីបអឺរ៉ុបមួយ បានដួលសន្លប់កំឡុងពេលឈរបញ្ជាកូនក្រុម
ចន្លោះមិនឃើញ
លោក Eugen Neagoe គ្រូបង្វឹកក្លឹប Dinamo Bucharest ត្រូវបានគេប្រទះឃើញដួលសន្លប់ កំឡុងពេលប្រកួតក្របខ័ណ្ឌលីគកំពូលរ៉ូម៉ានីប៉ះនឹងក្លឹប Universitatea Craiova។
បើតាមសារព័ត៌មានរ៉ូម៉ានីបានឲ្យដឹងថា បុរសវ័យ ៥១ឆ្នាំរូបនេះ មានសភាពមិនស្រួលខ្លួននៅនាទីទី២៥។ គាត់ត្រូវបានគេហុចទឹកឲ្យមួយដប ហើយត្រូវបានសង្កេតឃើញថា ដកដង្ហើមធំៗ នៅកន្លែងឈរបញ្ជា នៅមុនពេលគាត់ដួលសន្លប់។
ការប្រកួតបានបញ្ឈប់រយៈពេល ១៥នាទី ដោយទុកឱកាសឲ្យគាត់ទទួលបានការព្យាបាល នៅមុនពេលដែលគាត់បញ្ជូនទៅកាន់មន្ទីរពេទ្យនៃទីក្រុងប៊ូឆារ៉េស Floreasca។ ស្ថានភាពសុខភាពលោក Eurgen ក៏ទទួលបានសភាពធូរស្រាល ក៏ប៉ុន្តែស្ថិតក្រោមការសង្កេតមើលរបស់គ្រូពេទ្យ។
ឧបទ្ទវហេតុនេះមិនមែនកើតឡើងលើកទី១ សម្រាប់ក្លឹបរ៉ូម៉ានីនេះទេ ប៉ុន្តែកាលពីឆ្នាំ២០១៦ កន្លងទៅ ខ្សែបម្រើរបស់ក្លឹបនេះកីឡាករ Patrick Ekeng បានទទួលមរណភាពនៅអាយុ ២៦ ដោយសង្ស័យថាមានករណីបេះដូង៕
