- 2019-06-28 12:06:26
- បាល់ទាត់
អត់ទាន់ឈប់លេងផង Rooney មានគេហៅធ្វើគ្រូបង្វឹកបាត់
- 2019-06-28 12:06:26
- ចំនួនមតិ 0 | ចំនួនចែករំលែក 0
អត់ទាន់ឈប់លេងផង Rooney មានគេហៅធ្វើគ្រូបង្វឹកបាត់
ចន្លោះមិនឃើញ
ខ្សែប្រយុទ្ធក្លឹប DC United កីឡាករ Wayne Rooney បាននិយាយប្រាប់សារព័ត៌មាន Sky Sports ថា រូបគេទទួលបានសំណើឲ្យដឹកនាំក្លឹបទៅហើយ ពីសំណាក់ក្លឹបនៅអាមេរិក ក៏ដូចជាក្លឹបនៅអង់គ្លេស ទាំងខ្លួនមិនទាន់បញ្ចប់អាជីពជាកីឡាករ ហើយមិនទាន់មានអាជ្ញាប័ណ្ណគ្រូបង្វឹក។
វីរបុរសក្លឹប Manchester United និងក្លឹប Everton បានលើកឡើងថា៖ " ខ្ញុំកំពុងតែឈានទៅយកអាជ្ញាប័ណ្ណគ្រូបង្វឹក ហើយពេលខ្ញុំបញ្ចប់អាជីព ខ្ញុំនឹងសម្លឹងឃើញពីឱកាសដែលមាន។ ពេលនេះ មានសំណើឲ្យធ្វើគ្រូបង្វឹកទៅហើយ ទាំងនៅអង់គ្លេស និងនៅសហរដ្ឋអាមេរិក ប៉ុន្តែនៅពេលនេះ ខ្ញុំនៅតែជាកីឡាករ ហើយខ្ញុំនៅចង់លេង "។
Rooney បានបន្តថា៖ " ខ្ញុំមានឱកាសធ្វើជាគ្រូបង្វឹកយកតែម្ដង ក្រោយពេលដែលព្យួរស្បែកជើង ដែលការសម្រេចចិត្តនេះនឹងធ្វើឡើង អាស្រ័យលើមហិច្ឆតារបស់ក្លឹប មហិច្ឆតារបស់ខ្ញុំ និងអ្វីដែលត្រឹមត្រូវចំពោះខ្ញុំ និងក្លឹបនោះ " ។
ក្រៅពីនេះ Rooney ក៏រំពឹងទុកថា អតីតមិត្តរួមក្រុមក្នុងជម្រើសជាតិអង់គ្លេសលោក Steven Gerrard នឹងក្លាយជាអ្នកចាត់ការក្លឹប Liverpool ក្នុងរយៈពេលប៉ុន្មានឆ្នាំទៅមុខទៀតផង៕