- 2019-06-25 23:08:00
- បាល់ទាត់
ហៅ សុជាតិ៖ បឹងកេតត្រូវឈ្នះក្រុមសៀមរាបដាច់ខាត់ ខណៈ វឌ្ឍនាកា នឹងបង្ហាញខ្លួនលើទីលាន
- 2019-06-25 23:08:00
- ចំនួនមតិ 0 | ចំនួនចែករំលែក 0
ហៅ សុជាតិ៖ បឹងកេតត្រូវឈ្នះក្រុមសៀមរាបដាច់ខាត់ ខណៈ វឌ្ឍនាកា នឹងបង្ហាញខ្លួនលើទីលាន
ចន្លោះមិនឃើញ
ការប្រកួតជម្រុះវគ្គ១៦ក្រុមពានរង្វាន់ Hun Sen Cup ឆ្នាំ២០១៩ នឹងចាប់ផ្ដើមនៅថ្ងៃទី២៦ ខែមិថុនា ឆ្នាំ២០១៩នេះហើយ ដោយក្រុមបឹងកេតត្រូវធ្វើដំណើរទៅសួរសុខទុក្ខម្ចាស់ជម្រើសខេត្តសៀមរាបដែលអាចមានវត្តមានតារាឆ្នើម ចាន់ វឌ្ឍនាកា បង្ហាញខ្លួននៅលើទីលាន ខណៈមួយគូទៀត អគ្គិសនីកម្ពុជា ប៉ះអង្គរថាយហ្គឺរ។
ការប្រកួតវគ្គ១៦ក្រុមថ្នាក់ជាតិជើងទី១នេះ លោក ហៅ សុជាតិ គ្រូបង្វឹករបស់ក្លឹបបឹងកេតនិយាយថា ៖«ការប្រកួតជើងទី១ គឺវាសំខាន់ណាស់សម្រាប់ក្រុម។ យើងត្រូវការឈ្នះជាចាំបាច់ ហើយយើងត្រូវរៀបចំក្រុមឲ្យបានល្អ»។ នៅទឹកដីខេត្តសៀមរាប បឹងកេត ទើបខកចិត្តកាលពីចុងសប្តាហ៍ទៅនេះដោយចាញ់សូលទីឡូអង្គរដោយលទ្ធផល ៥-៤ ក្នុងលីគកម្ពុជា។
គ្រូបង្វឹកដែលធ្លាប់ដឹកនាំ បឹងកេត ឈ្នះពានរង្វាន់លីគកំពូលកម្ពុជារដូវកាលពីឆ្នាំ២០១៧ រូបនេះបន្តទៀតថា វាជាពេលដែលកីឡាករខ្មែរត្រូវបង្ហាញសមត្ថភាព និងអភិវឌ្ឍខ្លួន ដើម្បីទទួលយកបទពិសោធថ្មីៗបន្ថែមទៀត ពីព្រោះក្លឹបនីមួយៗនូវប្រើប្រាស់កីឡាករបរទេសច្រើនក្នុងការប្រកួតលីគ។ លោកចង់ឃើញកីឡាករខ្មែរមានសមត្ថភាពបង្ហាញខ្លួនបានច្រើន។
សម្រាប់បឹងកេត វិញ ក្លឹបនឹងប្រើប្រាស់ធនធានកីឡាករខ្មែរឲ្យអស់ពីសមត្ថភាពហើយជាគោលការណ៍របស់ក្លឹបត្រូវដណ្ដើមយកពានឲ្យបានឆ្នាំនេះ។
កាលពីរដូវកាលឆ្នាំ២០១៨ ប្រកួតវគ្គជម្រុះ១៦ថ្នាក់ជាតិនេះ បឹងកេតបានយកឈ្នះក្រុម វេស្ទើនភ្នំពេញ ៥-១ តែបច្ចុប្បន្នក្រុមវេស្ទើនភ្នំពេញត្រូវបានដកខ្លួនចេញពីការប្រកួតពានរង្វាន់នេះបាត់ទៅហើយ៕