- 2019-03-07 03:15:07
- វិភាគ
អតីតអាជ្ញាកណ្ដាល PL ពន្យល់ហេតុផលដែល PSG ត្រូវពិន័យប៉េណាល់ទី
- 2019-03-07 03:15:07
- ចំនួនមតិ 0 | ចំនួនចែករំលែក 0
អតីតអាជ្ញាកណ្ដាល PL ពន្យល់ហេតុផលដែល PSG ត្រូវពិន័យប៉េណាល់ទី
ចន្លោះមិនឃើញ
អតីតអាជ្ញាកណ្ដាលរបស់ Premier League លោក Peter Walton និយាយថា ការដែល Manchester United ទទួលបានបាល់ប៉េណាល់ទីចុងម៉ោងគឺជារឿងត្រឹមត្រូវ។
អ្នកគាំទ្ររបស់ Paris Saint-Germain ហាក់មិនសប្បាយចិត្តឡើយ ដោយសារអាជ្ញាកណ្ដាលកាត់សេចក្ដីយប់មិញសម្រេចចិត្តផ្ដល់បាល់ប៉េណាល់ឲ្យ Man Utd ក្រោយកីឡាករ Presnel Kimpembe ព្យាយាមលោតបាំងបាល់ពីការទាត់របស់ Diogo Dalot។ អាជ្ញាកណ្ដាល Damir Skomina បានចង្អុលបាល់ប៉េណាល់ទៅ ក្រោយពិនិត្យមើល VAR ឃើញថាបាល់នោះប៉ះដៃ។
Marcus Rashford ជាអ្នកសម្រេចបាល់ប៉េណាល់ទីជួយ Man Utd ឈ្នះបានឡើងទៅវគ្គ៨ក្រុមចុងក្រោយ។ ត្បិតអតីតកីឡាកររបស់បិសាចក្រហមមួយចំនួនដូចជា Rio Ferdinand, Michael Owen និង Owen Hargreave យល់ថាការសម្រេចចិត្តពិន័យនេះខុស តែលោក Walton បានបកស្រាយថា ត្រូវ។
Walton បានពន្យល់ថា សម្រាប់លោកបើតាមច្បាប់បានចែងការពិន័យនេះគឺត្រឹមត្រូវ។ មើលតាមសកម្មភាព Kimpembe បានលោតបែរខ្នងដើម្បីបិទបាល់ ប៉ុន្តែគេមិនបានគ្រប់គ្រងដៃរបស់កុំឲ្យចេញពីខ្លួននោះទេ។ អាជ្ញាកណ្ដាលបានផ្ដោតចាប់កំហុសធំលើដៃ ដែលវាឃ្លាតចេញមកក្រៅ៕